Hiob 9:5 - O Debleskro Drom 2021 (Sinte)

⁵ O Dewel tchiwell i berge jek rigjatar ap i wawar, glan te haiwenn le kowa. An peskri choli witsrell lo len trujel.

O Debleskro Lab 2024 (Sinte-Manouche)

⁵ O Devel čivell i berge yek rigyatar ap i vavar, glan te hayvenn le kova. An peskri rholi vitsrell lo len trouyel.

Hiob 9:5 ပူးပေါင်းရင်းမြစ်များ

Hiob 26:6

O mulengro them hi pre tchakedo tchiddo glan o Debleste. Tchi khatrell les glan leskre jaka.

Hiob 28:9

O mensho phagell an kol bare sorele barra, un rissrell i tsele berge trujel.

Hiob 34:25

Tchatchepah, job djinell ko koowa, hoi le kran. Rati mukell lo len te perell, te wenn le khetne stakedo.

Hiob 40:11

Tchore tiri tseli choli win, dik ap lauterende, kai pre-phurdo hi, un witse len tele!

Hiob 41:11

Dran leskro mui well jag, awa, jagakre kotja denn win karje.

Debleskri gili 114:6

Un tumer berge, hoi his tumentsa, te stan har i bakre? Hoi his tumentsa, tumer tikne berge, te stan har terne bakre?”

Debleskri gili 46:2

O Dewel hi menge har i sorelo kheer, kai nai khatrah men. Job hi ap mari rig an phare tsirja.

Debleskri gili 68:8

Maro Dewel, har djal tu glan tire menshende, un anal len ap o drom mashkral o mulo tato them,

Jesaja 40:12

Koon hi jaake baro, te nai lell lo i tsele panja an peskro wast? Koon nai tchiwell peskro wast ap o bolepen un penell, har buchlo kowa hi? Koon nai tchiwell i tseli tchik i phubjatar an i baro tcharo, te dikell lo har bud kowa hi? Un koon nai penell, har pharo i berge hi, un nai tchiwell len ap i waga? Kek mensho nai krell kowa!

Nahum 1:5

I bare berge trissenn glan leste, un kol tikne berge perenn khetne. Job te well, palle hadell pes i phub glan leste, un kolla, kai ap late djiwenna, trissenna.

Nahum 1:6

Koon nai atchell tardo glan leskri choli? Koon nai atchell djido, te well lo chojedo? Leskri choli chatchell har i jag. Ninna i berge phagenn an kotja glan leste.

Habakuk 3:10

I berge dikan tut un trissan. Sorelo brishin peras tele dran o bolepen. O baro pani das bari gole. O kham bistras te djal lo pre.

Habakuk 3:6

Tchiwell job peskro piro ap i phub, palle trissell li. Lell job i wawar themma an o jak, trashenn i tsele menshe. Kol bare phure berge phagenn an kotja, un kol tikne phure berge perenn khetne, te nashell job – har an o phuro tsiro – pral i phub.

Zakarie 4:7

“Un hoi hi kol dui djeteskre ruka”, penom me, “hoi tchatches un serwes pash i momelengri tardo hi, un hoi hi lengre dui kashta, kolengro djet an kol dui sonakangre koola nashell?”

Mateo 21:21

Penas o Jesus: “Tchatchepah, me penau tumenge: Tumer te patsenn ap o Debleste, te krell lo nai hako koowa, palle nai krenn tumer ninna budeder, har me krom kau rukeha. Tumer penenn nai ap koi berga: Hade tut un witse tut an o baro pani! Un kai berga krell kowa.

Mateo 27:51

Un ko wudar an o Debleskro baro kheer, hoi his kerdo dran kutch pesso than, kowa djas paash an dui kotja fun pral bis tele. Un i phub was trisslemen. Un i bare barra phagan an kotja.

Louka 21:11

Un kai te koi well i phub soreles trisslemen. An bud themma hi i menshen gar doha te chal, un baro nasslepen well ap lende. Un jon dikenn i baro koowa ap o bolepen, hoi krell lenge bari daar.

1. Korintarja 13:2

Te wals man gar o Debleskro kamlepen an o dji, palle molals ninna kowa tchi, te penoms me i menshenge, hoi o Dewel mande sikras. Te wals man gar o Debleskro kamlepen an o dji, palle molals ninna kowa tchi, te djinoms halauter, hoi i wawar gar djinenna un te haiwoms ko tselo Debleskro drom. Te wals man gar o Debleskro kamlepen an o dji, palle molals ninna kowa tchi, te wals man jek sorelo patsepen, te penoms ap i berge: ‘Hadenn tumen’, un jon hadenna pen.

Debleskro tsiro 11:13

Un ap jek kopo trissas i phub soreles. Un o deshto kotar ko forestar peras khetne. Un efta serja (7.000) menshe wan maredo. Un kol wawaren tapras i bari daar, un jon sharan o Debles, kai an o bolepen hi.

Debleskro tsiro 6:14

Un o bolepen tserdas pes khetne, har i liil, hoi khetne lino wella. Un kek berga atchas, kai his li tardo, witar gar kek them, hoi an i pani tchiddo hi.