Hiob 9:4 - O Debleskro Drom 2021 (Sinte)

⁴ O Dewel hi gosewo an peskro dji un les hi bari soor. Kekeske, kai las pes glan te tchingrell lo leha, djas kowa mishto.

O Debleskro Lab 2024 (Sinte-Manouche)

⁴ O Devel hi gosevo an peskro dji oun les hi bari zoor. Kekeske, kay las pes glan te čingrell lo leha, djas kova mishto.

Hiob 9:4 ပူးပေါင်းရင်းမြစ်များ

2. Familjakro liil 13:12

Dikenn, mentsa hi o Dewel un djal glan mende. Ninna leskre rashaja hi kate, te phurdenn le an i phurdepangre un denn men o sikepen, te djas mer an o kurepen tumentsa. Tumer Israelitarja, ma kurenn tumen o baro Debleha, kai o Dewel tumare phurendar hi! Tumenge djal kowa gar mishto win!”

2. Familjakro liil 20:6

Un job penas: “Baro Dewel, tu Dewel mare phurendar, tu hal o Dewel an o bolepen un o rai pral i tsele raja un lengre themma ap kai phub. Un an tiro wast hi i soor un o penepaske pral halauter, un kote hi kek, kai nai well sorleder har tu.

Hiob 11:6

Job djinell halauter pral halauter. Kamoms, te sikrals lo tute peskro goswepen, hoi menge khatedo hi. Palle hunte haiwess, te dikell o Dewel pral bud doosh tutar pral wergel!

Hiob 12:13

O Debles hi goswepen un ninna soor. Job haiwell halauter, un nai penell, hoi te well kerdo.

Hiob 15:13

Ap o Debleste hal chojedo. Doleske well sawo rakepen dran tiro mui.

Hiob 23:6

Tchingrals lo mantsa an peskri bari soor? Na-a, job shunals mishto ap mire laba.

Hiob 24:22

Peskri sorjah lell o Dewel o djipen krik kolendar, kai bud penepaske hi. Te stell lo pre, hunte darenn le pengro djipaske.

Hiob 25:2

O Debles hi i soor pral halauter, un hakeno hunte trashell lestar. I sorelo wasteha krell lo, te well kek tchingepen an peskro bolepaskro them.

Hiob 28:23

O Dewel kokres hi kowa, kai djinell o drom, hoi anell pash o goswepen. Un job kokres djinell, kai o goswepen khere hi.

Hiob 36:5

O Dewel hi baro un sorelo, un dikell ap kekeste tele. Koi hi tchi, hoi haiwell un djinell job gar.

Hiob 37:23

Pash leste, ko soreleste, nai wah mer gar. Leskri soor hi baro. Hako tsiro krell lo, hoi mishto hi, un dell hakeneske peskro tchatchepen.

Hiob 38:36

Koon tchiwas o goswepen kote, kai lo khatedo hi? Un koon krell, te nai haiwell i mensho tchomone?

Hiob 38:37

Koon hi jaake gosewo, te djinell lo, har bud wolke koi hi? Koon tchorell lengro pani ap i phub tele?

Hiob 40:9

Hi tut sawi bari soor har man? Nai rakreh tu sawi sorjah har me?

Hiob 41:2

Kek hi jaake dineles, te choirell lo les. Un koon hi kowa, kai nai atchell tardo glan mande?

Hiob 6:10

Kowa krals koi duk an miro dji tikneder. An mire tsele bare duka djinau, te krom hako tsiro, hoi o Dewel mange penas.

Hiob 9:19

Te djoms ap leste sorjah, job hi o sorleder! Te kamoms les glan i tchatchepangre te anell, penals lo: Kones kameh te bitchrell, te anell lo man koi?

Debleskri gili 104:24

Baro Dewel, har baro un bud hi kowa, hoi tu halauter kral! Har gosewes kral tu halauter! I phub hi pherdo o tselo koowa, hoi tu kral.

Debleskri gili 136:5

Job kras o bolepen an peskro goswepen. Leskro latchepen atchella hako tsireske!

2. Mose 15:7

Railo un baro hal, un khetne stakral, koon pes pral tute hadas. Tiri choli was har i jag pral lende. Har i jag o phuss chatchrell, jaake lendar tchi atchell.

2. Mose 9:7

Un o Farao bitchras murshen pash lende, te dikenn le palla, hoi i Israeltikre viechentsa hi. Un har kolla koi his, dikan le, te meras pash lende kek lengre viechendar. Ninna kau kopo atchas o Faraeskro dji pandlo un job mukas i Israelitarjen gar te djal.

Gosewe laba 28:14

Bachtelo hi kowa, kai hako tsireske o Debleha djiwell! Kowa, kai mukell peskro dji har i bar te well, perell an i bibacht.

Gosewe laba 29:1

Koon mukell pes tchi te penell, un djal hako tsiro pal peskro shero, sawo wella ap jek kopo phagedo, un kek hi palle koi, kai hadell les pale pre.

Jesaja 45:9

Djungeles djal koleske, kai chojedo hi koleha, kai les kras! Job hi tchi har i kotar dran i paash dino tcharo mank wawar paash dine kotja. Ko tchik, dran koleste tchare chatchedo wenn, nai penell lo ap koleste, kai lestar tchomone krell: Hoi kreh tu? Un ko tcharo, hoi lo kras, penell kowa nai ap leste: Tu haiweh tchi!

Jeremia 50:24

Me tchiwom dorja pral tiro drom, te peress dren, Babilon, un sikeder har tu dikal, mukal tut te taprell. Pral mande, o baro Debleste, hadal tut. Doleske wal tapedo un pandlo.

Daniel 2:20

un penas: Sharedo well o Dewel kanna un hako tsireske! Leske hi o goswepen un i soor.

Nahum 1:3

O baro Dewel well gar sik chojedo. Les hi bari soor, un tchatchepah, hakeneste, kai doosh ap peste anas, dell job peskri phagi. Kote, kai o baro Dewel djal, phurdell i sorelo ducho. Un i wolke hi har koi tchik, hoi leskre pire pre witsrenn.

Remarja 11:33

Har baro hi o Debleskro latchepen ap lauterende! Har baro hi leskro goswepen! Job djinell halauter, hoi kek wawar nai djinella. Kek nai djinell, har job rakrell o tchatchepen win. Kek nai haiwell leskre tsele dromma.

1. Korintarja 10:22

Ma choirenn o Debles! Mer ham gar sorleder har job.

Efesarja 1:19

Un me mangau lestar ninna, te haiwenn tumer, har bari leskri soor hi, hoi an mende hi, kai patsah. Koi soor hi i emligi bari soor,

Efesarja 1:8

Bud kope his lo menge latches, un das men ninna goswepen, te haiwas leskro drom.

Efesarja 3:10

Kanna dikenn i raja un i pralstune an o bolepen, har baro o Debleskro goswepen hi. Kowa dikenn le ap kowa, hoi job i patslenge kras.

Efesarja 3:20

Un job nai krell budeder, har mer lestar mangah, un budeder, hoi mer haiwah. Jaake bari hi leskri soor, hoi an mende kowa lauter krella. Mer lauter, kai patsah ap o Jesus Kristeste, sharas maro Debles kanna un hako tsiro. Amen.