Hiob 9:21 - O Debleskro Drom 2021 (Sinte)

^21-22 Kek tchilatchepen krom me. Miro djipen hi mange buder tchi moldo. Kamau buder gar te djiwell. Lauter hi mange jek. Doleske penau me: O Dewel dell koles mulo, kai latcho un tchatcho hi, un ninna koles, kai tchilatcho hi.

O Debleskro Lab 2024 (Sinte-Manouche)

^21-22 Kek čilačepen krom me. Miro djipen hi mange bouder či moldo. Kamau bouder gar te djivell. Lauter hi mange yek. Doleske penau me: O Devel dell koles moulo, kay lačo oun čačo hi, oun ninna koles, kay čilačo hi.

Hiob 9:21 ပူးပေါင်းရင်းမြစ်များ

Hiob 1:1

An o them Uz djiwas i mursh, kowa kharas Hiob. Job his an o tchatchepen tardo, un kek doosh his ap leste. Job mangas o Debles an, un rikras pes dur krik o tchilatchepastar.

Hiob 10:7

Tu djineh, te hi ap mande kek doosh, un te hi kek koi, koon nai lell miro djipen dran tiro wast win.

Hiob 12:4

Hoske wom mire malenge sapaske? Me dom gole ap o Debleste, un job shunas man. Ninna te hom an o tchatchepen tardo un djau o tchatcho drom, sanenn le man win.

Hiob 13:18

Me anom kawa pre, te well win kerdo, hoi o tchatchepen hi. Me djinau, te hi man tchatcho.

Hiob 33:9

“Me djiwom i djudjo djipen, un krom kek tchilatcho koowa. Kek doosh hi ap mande. O tchatcho dromestar djom gar tele.

Hiob 6:9

Har kamoms, te wals leske shukar, te dell lo man mulo, te lell lo miro djipen mandar.

Hiob 7:21

Hoske leh tu ko tchilatchepen gar krik mandar, hoi krom, un bistreh miri doosh? An i tikno tsiro wau tel i phub. Te rodeh pal mande, hom me gar buder koi.

Hiob 9:15

Ninna te wals man tchatches, nai rakroms tchi ap leste, hoi job mandar putchas. Me nai mangoms kokres latchepen lestar, kai miro tchatchepaskro rai hi.

Gosewe laba 28:26

Dinelo hi kowa, kai krell kokres, hoi peskro dji leske penell. Koon djiwell goswepah, well dran i bibacht win lino.

1. Korintarja 4:4

Me djinau gar, te anom doosh ap mande. Ninna te djinom kowa gar, krell man kowa gar tchatcho glan o Debleste. Kowa, kai o tchatchepen pral mande wi-rakrella, hi kokres maro rai Jesus.

1. Johanni 3:20

Ninna te penell menge maro dji: “Tu djiwal gar jaake, har hunte wess,” palle hi o Dewel bareder har maro dji, un djinell lauter.