Hiob 9:20 - O Debleskro Drom 2021 (Sinte)

²⁰ Ninna te waus an o tchatchepen, miro rakepen anals i phagi pral mande. Ninna te wals kek doosh ap mande, dals lo man i doosh.

O Debleskro Lab 2024 (Sinte-Manouche)

²⁰ Ninna te vaus an o čačepen, miro rakepen anals i phagi pral mande. Ninna te vals kek doosh ap mande, dals lo man i doosh.

Hiob 9:20 ပူးပေါင်းရင်းမြစ်များ

Hiob 1:1

An o them Uz djiwas i mursh, kowa kharas Hiob. Job his an o tchatchepen tardo, un kek doosh his ap leste. Job mangas o Debles an, un rikras pes dur krik o tchilatchepastar.

Hiob 10:15

Te lom doosh ap mande, djal mange djungelo! Ninna te lom kek doosh ap mande, hunte rikrap miro shero tele. Miri ladjatar un miri dukatar hom har mato.

Hiob 14:17

Ko tchilatchepen, hoi krom, pandals khetne har an i possita. Koi doosh, hoi ap mande lom, tchakrals tu, te well li buder gar diklo.

Hiob 34:35

O Hiob djinell gar, hoi lo rakrell. Un leskre laba sikrenn, te haiwas lo gar bud.

Hiob 35:16

O Hiob hi i baro mujeskro, job rakrell, hoi tchi-moldo hi, krell bare laba, un djinell gar, hoi lo rakrell.

Hiob 4:17

Har nai well i mensho an o tchatchepen tardo glan peskro Debleste? Har nai djiwell i mursh i djudjo djipen glan o Debleste, kai kras les?

Hiob 9:15

Ninna te wals man tchatches, nai rakroms tchi ap leste, hoi job mandar putchas. Me nai mangoms kokres latchepen lestar, kai miro tchatchepaskro rai hi.

Hiob 9:2

Tchatchepah, djinau te hi jaake. Har nai well i mensho an o tchatchepen glan o Debleste?

Hiob 9:28

palle taprau pale daar i tsele dukendar. Un djinau, glan o Debleskre jaka hi man doosh.

Hiob 9:29

Job kamell i doosh ap mande te dikell. Hoske marap man palle tchitcheske tele?

Debleskri gili 130:3

Te tchinals tu, baro Dewel, mari doosh an i liil, koon nai atchals palle glan tute tardo?

Debleskri gili 143:2

De man, tiro budepaskres, kek phagi; glan tute hi kek mensho an o tchatchepen tardo.

Gosewe laba 10:19

Koon bud laba krell, anell ninna doosh ap peste. Koon peskro mui rikrell, hi gosewo.

Gosewe laba 17:20

Jek dui djijentsa hatsell kek latchepen. Un jek dui tchipjentsa perell an i bibacht.

Jesaja 6:5

Un me penom: “Kanna hunte merap! Me hom i mursh, dran koleskro mui sawo rakepen djas, te nai wau me gar glan o Debleste. Un me djiwau mank menshende, dran kolengre muja ninna sawo rakepen djal. Un mire jakentsa dikom o baro rajes, les, o baro Debles, kai hi o rai pral o bolepen un i phub.”

Louka 10:29

Un ko mursheske his kowa, hoi o Jesus leske penas, gar doha, un job putchas pale: “Koon hi kol wawar, te wap latches ap lende?”

Louka 16:15

Koi penas o Jesus ap lende: “Glan i menshengre jaka kamenn tumer latcho te well. O Dewel prindjrell tumaro dji. Hoi pash i menshende bud molella, hi tchi moldo an o Debleskre jaka.

1. Timoteo 6:5

Sawo tchingepen djal dureder un dureder. Kolla, kai krenn kowa, hi nasselo an o shero un haiwenn buder gar, hoi o tchatchepen hi. Jon patsenna, te nashte lenn le bud lowe khetne, te krenn le, hoi o Dewel kamella.

Jakobo 3:2

Mer halauter krah bud kope, hoi gar mishto hi. Koon rakrell an kek tsiro tchilatcho koowa, kowa hi i latcho mensho, kai nai rikrell pes khetne.