Hiob 8:9 - O Debleskro Drom 2021 (Sinte)

⁹ Hi jaake har te wams boldo taissar. Mer djinah tchi. Maro tsiro, kai ham ap kai phub, hi tikno har i suni.

O Debleskro Lab 2024 (Sinte-Manouche)

⁹ Hi yaake har te vams boldo taysar. Mer djinah či. Maro tsiro, kay ham ap kay phoub, hi tikno har i souni.

Hiob 8:9 ပူးပေါင်းရင်းမြစ်များ

1. Mose 47:9

Penas o Jakob: “Hom 130 (sheel-te-triin-deesh) bersh phuro. Kowa hi kek phurepen. Man hi kek shukar djipen. Mire phure wan phureder har me.”

1. Familjakro liil 29:15

Har mare phure ham mer ninna wi-themarja glan tute, ham i tikno tsiro ap kai phub un djah dureder. Maro djipen ap kai phub hi har i shatto un atchell gar.

2. Familjakro liil 10:6

Kote djas o rai Rehabeam pash i phureden; kolla his ninna glan leskro dadeste, o Salomeste, tarde, har job gomme djiwas. Un o Rehabeam penas: “Penenn mange tumaro goswepen, hoi te well kal menshenge penlo?”

Hiob 14:1

O mensho, boldo i djuwjatar, djiwell i tikno tsiro, un marell pes tele peskro tselo djipen.

Hiob 14:2

Har i bluma well lo baro un merell tele. Jaake har i shatto, hoi well buder gar diklo, te djal o kham tele, hi lo buder gar.

Hiob 32:7

Me penom mange: Muk i phuren te rakrell. Jon hi kolla, kai nai sikrenn, hoi goswepen hi.

Hiob 7:6

Mire diwessa djan trujel jaake sik har i sub, hoi pre un tele djal. Un kowa hoi gomme glan mande hi, nai well tchi, hoi shukar hi.

Hiob 8:10

Tire phure nai sikrenn tut, hoi le win hatsan, un hoi jon an pengro djipen dikan:

Debleskri gili 102:12

Miro djipen djal peske har o diwes, te well i rat, har o khass, hoi tele merell an o kham.

Debleskri gili 144:4

Har i ducho hi lo. Leskro djipen djal trujel har i suni.

Debleskri gili 39:5

Baro Dewel, sike mande, har sik o djipen trujel hi, un kai miro merepen wella, te djinap, te nai atchau gar hako tsiro kai.

Debleskri gili 82:5

Tumer mukenn tumenge tchi te penell. Dinele han tumer, un djan tumaro drom, har te wals kali rat, kai dikenn tchi. Doleske dell kek tchatchepen buder ap kai phub.

Debleskri gili 90:4

Jek sero bersha hi pash tute har jek diwes, har ko diwes, hoi taissar his, un buder gar koi hi, un har i tikno tsiro an i rat.