Hiob 8:3 - O Debleskro Drom 2021 (Sinte)

³ Patseh tchatchepah, te krell o sorelo Dewel gar, hoi mishto un tchatcho hi? Patseh, te rissrell lo peskre tchatchepaskre laba trujel?

O Debleskro Lab 2024 (Sinte-Manouche)

³ Patseh čačepah, te krell o zorelo Devel gar, hoy mishto oun čačo hi? Patseh, te rissrell lo peskre čačepaskre laba trouyel?

Hiob 8:3 ပူးပေါင်းရင်းမြစ်များ

1. Mose 18:25

Ko nashte kreh tu gar, te dess kolen temerl, kai kek tchilatchepen kran – khetne kolentsa, kai tchilatcho hi. Jaake te djal koleske, kai an o tchatchepen tardo hi, har koleske, kai tchilatcho hi. Tu hal o tchatchepaskro rai pral i tseli phub. Kameh tu tchomone te krell, hoi gar mishto un tchatcho hi?”

2. Familjakro liil 19:7

Un kanna rikrenn o baro Debles glan tumare jaka, rikrenn tumen ap o tchatchepen un denn hakeneste peskro tchatchepen. Ma bistrenn, pash maro baro Debleste hi kek chochepen. Un job dikell witar gar ap kowa koon glan leste tardo hi. Un job mukell pes gar te ginell.

Hiob 10:3

Hoi aneh kawa tuke, te rikreh man sorjah tele? Hoske witsreh man tutar krik, man, koles tire wasta kran, un mukeh kowa mishto te djal, hoi lan pen i tchilatche glan?

Hiob 19:6

Dikenn tumer gar dren, te hi kowa o Dewel, kai djas gar mishto mantsa trujel? Hi jaake, har te taprals lo man an i netsa.

Hiob 19:7

Te dau win gole ‘Awenn ap miri rig’, shunell man kek. Ninna te dau soreles gole, dell kek man miro tchatchepen.

Hiob 21:15

Koon hi o sorelo Dewel, te budras mer leske? Hoi hi kowa menge moldo, te mangas les an?”

Hiob 21:20

un dikell peskre jakentsa peskri bibacht, un haiwell kokres, har kowa hi, te well o sorelo Debleskri choli ap leste.

Hiob 34:5

O Hiob penas: “Me hom an o tchatchepen tardo. Un miro tchatchepen las o Dewel mandar krik.

Hiob 35:13

Lengri gole hi tchitcheske! O sorelo Dewel shunell lat gar, un dell kek jak koi pre.

Hiob 36:23

Kek nai penell leske, hoi te krell lo! Kek nai penell leske: Hoi kral, hi gar mishto.

Hiob 36:3

Me sikrau tuke ko bud koowa, hoi me djinau, te sikrap, te hi kowa tchatcho un mishto, hoi kras o Dewel, kowa, kai man kras.

Hiob 37:23

Pash leste, ko soreleste, nai wah mer gar. Leskri soor hi baro. Hako tsiro krell lo, hoi mishto hi, un dell hakeneske peskro tchatchepen.

Hiob 4:17

Har nai well i mensho an o tchatchepen tardo glan peskro Debleste? Har nai djiwell i mursh i djudjo djipen glan o Debleste, kai kras les?

Hiob 40:2

Tu kameh tut mantsa te tchingrell – mantsa, kai o sorelo Dewel hom? Tu, kai doosh ap mande hatsal, un mange penal, hoi gar mishto krom, pen kanna tchomone kai pre!

Hiob 40:8

Kameh tu tchatchepah te penell, me djau gar pal o tchatchepen? Peneh, te anom me doosh ap mande, te nai wess tu koi tardo, har te wals tut tchatches?

Hiob 9:2

Tchatchepah, djinau te hi jaake. Har nai well i mensho an o tchatchepen glan o Debleste?

Debleskri gili 89:14

Tut hi i soreli mussi, tiro wast hi sorelo, un pre hadedo tiro tchatcho wast, te sikress tiri soor pral i menshende.

Debleskri gili 99:4

Tuke hi bari soor. Tu hal o baro rai, kai kamell o tchatchepen o djijestar. Tu penal, hoi tchatcho hi, un tchiwal o tchatchepen pre an o them Israel, te djan i tchatchepangre mursha pal o tchatchepen.

Ezekiel 18:25

Tumer penenn: O Dewel djal gar pal o tchatchepen. Shunenn, tumer dran o kheer Israel! Djau me gar pal o tchatchepen? Hi gar jaake, te han tumer kolla, kai djan gar pal o tchatchepen?

Ezekiel 33:17

I menshe dran tiro them penenn: “O Dewel djal gar pal o tchatchepen.” Hi gar jaake, te hi jon kolla, kai djan gar pal o tchatchepen?

Ezekiel 33:20

Ninna te hi kowa jaake, penenn tumer: “O Dewel djal gar pal o tchatchepen.” Djinenn, tumer dran o kheer Israel: Me krau pral tumende o tchatchepen win, pral hakeneste jaake har job djiwas.

Daniel 9:14

Un jaake dal tu jak, baro Dewel, te well koi bari bibacht pral mende. Tchatchepah, tu maro baro Dewel hal an o tchatchepen an halauter hoi kreh. Un mer shunam gar ap tute.

Remarja 2:5

Un tu kameh gar pash leste te well. Tiro dji hi har bar. Doleske well o Debleskri choli baro un bareder, hoi ap tute wella ap ko diwes, kai hi o Dewel o tchatchepaskro rai un rakrell o tchatchepen win pral i tsele menshende.

5. Mose 32:4

Job hi maro sorelo rikepaskro. Lauter, hoi job krell, hi mishto. Leskre tsele dromma hi tchatcho. Maro Dewel rikrell peskro lab; an leste hi kek tchilatchepen. Chochepen djinell lo gar.

Debleskro tsiro 15:3

Un jon giwan koi gili, hoi o Debleskro budepaskro, o Mose, giwas. Jon giwan lat o terno bakreske, un penan: Baro un shukar hi halauter, hoi tu kral, maro rai, tu sorelo Dewel! Mishto un tchatcho hi tire dromma, baro rai pral i tsele themma!

Debleskro tsiro 16:7

Un me shunom, har jek pash o Debleskri chatchepaskri penas: “Awa, rai, maro sorelo Dewel, mishto kral, kai tu dal len sawi phagi.”