Hiob 8:20 - O Debleskro Drom 2021 (Sinte)

²⁰ Penau tuke, o Dewel witsrell kolen gar pestar, kai an o tchatchepen djiwenn. Un job rikrell gar i tchilatchen pash o wast.

O Debleskro Lab 2024 (Sinte-Manouche)

²⁰ Penau touke, o Devel vitsrell kolen gar pestar, kay an o čačepen djivenn. Oun yob rikrell gar i čilačen pash o vast.

Hiob 8:20 ပူးပေါင်းရင်းမြစ်များ

1. Mose 18:25

Ko nashte kreh tu gar, te dess kolen temerl, kai kek tchilatchepen kran – khetne kolentsa, kai tchilatcho hi. Jaake te djal koleske, kai an o tchatchepen tardo hi, har koleske, kai tchilatcho hi. Tu hal o tchatchepaskro rai pral i tseli phub. Kameh tu tchomone te krell, hoi gar mishto un tchatcho hi?”

Hiob 21:30

Ap ko diwes, kai well i bibacht, kai well o Debleskri choli pral i menshende, atchell o tchilatcho djido.

Hiob 4:7

Rake tiro djijeha, un pen mange, kai maras o Dewel jekes, ap koleste kek doosh his? Kai las lo o djipen jekestar krik, kai his an o tchatchepen tardo?

Debleskri gili 34:17

O baro Dewel hi gar kolentsa, kai o tchilatchepen krenna, un krell, te wenn le sik bistedo pal lengro merepen.

Debleskri gili 37:24

Ninna te perell lo, atchell lo gar tchiddo, o baro Dewel rikrell les ap peskro wast.

Debleskri gili 37:37

Kre jaake har kowa, kai shunell ap o Debleste peskro tselo djijeha! Un djib jaake har kowa, kai well kek doosh ap leste hatslo. Sawo mensheske djal mishto an ko tsiro, hoi wella.

Debleskri gili 94:14

O baro Dewel tchiwell peskre menshen gar pale, un mukell gar len kokres.

Gosewe laba 10:9

Kowa, kai an o tchatchepen djiwell, hunte darell gar. Kowa, kai ap bange dromma djal, well tapedo.

Jesaja 45:1

Kawa penell o baro Dewel ap o Kirus, koles job win rodas, te well lo baro rai: Me taprom tiro tchatcho wast, te witsrap wawar themma tel tire herja, un te lap i chare lengre bare rajendar krik, te wenn wudja pre kerdo glan tute, te atchenn foreskre wudja gar pandlo glan tute.