Hiob 8:2 - O Debleskro Drom 2021 (Sinte)

² Har rah gomme kameh tu sau koowa win rakrell? Kowa, hoi rakreh hi har i sorelo phurdepen.

O Debleskro Lab 2024 (Sinte-Manouche)

² Har rah gomme kameh tou sau koova vin rakrell? Kova, hoy rakreh hi har i zorelo phourdepen.

Hiob 8:2 ပူးပေါင်းရင်းမြစ်များ

1. Rajengro liil 19:11

Un o baro Dewel penas: “Dja win un ab glan mande ap i berga! Un me djau glan tute wergel.” Koi phurdas i sorelo ducho pral i berge, te peran i barra tele, un i bare barra phagan. – O baro Dewel his gar an ko phurdepen. Un pal o sorelo phurdepen trissas i phub. – O baro Dewel his gar an ko trisslepen i phubjatar.

Hiob 15:2

Te wals tchatchepah gosewo, rakrals gar sawe pre-phurde laba! Kawa, hoi tu kate rakreh, hi tchi har i tato ducho.

Hiob 16:3

Nai herenn tumer kanna pre kau dinelo rakepah! Elifas, hoi anell tut jaake pre te hunte rakress palpale?

Hiob 18:2

Har rah kamenn tumer gomme dureder te rakrell? Rakrenn tumare djijentsa! Un palle kamah mer khetne te rakrell!

Hiob 6:26

Hi mare laba tchilatcho an tumare kanda? Me hom i mursh, kai djinell buder gar, hoi te krell lo, un koleskro rakepen hi tchitcheske.

Hiob 6:9

Har kamoms, te wals leske shukar, te dell lo man mulo, te lell lo miro djipen mandar.

Hiob 7:11

Doleske kamau me ninna gar miro mui te rikrell, kamau te rakrap dran miro djijeskri daar, un miri bari duk win gole te dell.

Hiob 8:1

O Bildad dran o them Shuach penas koi pre:

2. Mose 10:3

Kote djas o Mose un o Aron pash o Farao dren un penan ap leste: “Kawa penell o baro Dewel, o Dewel pral i Hebrearja: ‘Har rah kameh tu gar te dikell, kai hom sorleder har tu? Muk mire menshen te djal, te nai mangenn le man an!

2. Mose 10:7

Kote penan i pralstune ap o Farao: “Har rah anell kau mursh gomme bibacht pral mende? Muk kol menshen te djal, te mangenn le lengro baro Debles an. Haiweh tu gar, te djal i tseli Egiptia nashedo?”

Gosewe laba 1:22

Tumer, kolen tchi an o shero hi: Har rah kamenn tumer dinelo koowa te krell? Tumer sapangre, har rah kamenn tumer pral o wawareste te sal un les praassell? Tumer dinele, har rah penenn: Mer kamah gar te djinell, hoi tchatcho hi?

Jeremia 5:13

O Debleskre rakepangre rakrenn, hoi tchi moldo hi. Hoi jon penan, well gar o Deblestar. Mu perell ap lende, hoi le penan.’