Hiob 7:21 - O Debleskro Drom 2021 (Sinte)

²¹ Hoske leh tu ko tchilatchepen gar krik mandar, hoi krom, un bistreh miri doosh? An i tikno tsiro wau tel i phub. Te rodeh pal mande, hom me gar buder koi.

O Debleskro Lab 2024 (Sinte-Manouche)

²¹ Hoske leh tou ko čilačepen gar krik mandar, hoy krom, oun bistreh miri doosh? An i tikno tsiro vau tel i phoub. Te rodeh pal mande, hom me gar bouder koy.

Hiob 7:21 ပူးပေါင်းရင်းမြစ်များ

2. Samuel 24:10

Un o Davideskro dji djas sikeder har job kol tsele murshen an i liil pre-tchinas. Un o David penas ap o baro Debleste: “Kowa his i bari doosh, hoi anom ap mande. Me krom i tchilatcho koowa. Un kanna mangau tut, baro Dewel, le mange koi doosh krik!”

Hiob 10:14

Tu kamal jak ap mande te dell, te dikess, te loms me doosh ap mande. Palle kamal miri doosh ap mande te mukell.

Hiob 10:9

Ma biste, te kral man dran tchik. Kameh tu kanna, te wap pale tchik?

Hiob 13:19

Koon hi, kai nai sikrell, te hi i doosh ap mande? Palle kamaus miro mui te rikrell, un te merell.

Hiob 14:10

Merell i mursh, hi lo buder gar. Kek ducho atchell an leste. Kai hi lo?

Hiob 17:14

Ap i grufta penau: Tu hal miro dad! Ap i kirme: Tumer han miri dai un mire phenja.

Hiob 20:8

Job djal krik har i suni, un well buder gar hatslo. Har kowa, hoi jek suni das, buder gar koi hi, jaake atchell tchi lestar.

Hiob 27:19

Braweles tchiwell lo pes tele, – i letsto kopo! Te krell lo peskre jaka pale pre, hi buder tchi koi.

Hiob 3:13

Te woms mulo, woms koi tchiddo, un sowoms, un woms pokones.

Hiob 33:9

“Me djiwom i djudjo djipen, un krom kek tchilatcho koowa. Kek doosh hi ap mande. O tchatcho dromestar djom gar tele.

Hiob 7:8

Tu, kai leh man kanna an o jak, nai dikeh man palle buder gar. Te rodeh pal mande, hom me buder gar koi.

Hiob 8:1

O Bildad dran o them Shuach penas koi pre:

Hiob 9:28

palle taprau pale daar i tsele dukendar. Un djinau, glan o Debleskre jaka hi man doosh.

Debleskri gili 103:15

I mensho hi har khass, har senlepen, hoi pre-djas.

Debleskri gili 37:36

Un har wom i wawar kopo koi, his lo buder gar koi. Un me rodom les, un hatsom les gar.

Sikepaskro 12:7

O mensho well pale phub, kolatar job kerdo was. Un o ducho hunte djal pale pash o Debleste, kai das o duches o mensheste.

Jesaja 26:19

Baro Dewel, muk tire mulen djides te well! Muk len pre te stell! Tumer, kai wan paskedo, stenn pre dran o sopen un denn gole i bachtjatar! Tu, baro Dewel, hal har brishin, hoi dell djipen ap i phub. Doleske dell i phub i mulen pale win.

Jesaja 64:9

Tire forja wan har i mulo them. O foro Jerusalem hi paash dino un i berga Zion muklo.

Daniel 12:2

Un bud kolendar, kai tel i phub tchiddo his un sowan, kolla stenn pre, ko jek o djipaske, hoi gar pre herella, un ko wawar i bari ladjake un o praassepaske, hoi buder gar pre herella.

Hosea 14:2

Tu Israel, dja pale pash o baro Debleste, ko tiro Dewel hi! Koi doosh, hoi ap tute anal, mukas tut an i bibacht te perell.

Johanni 1:29

Ap o wawar diwes dikas o Johanni, kai o Jesus pash leste wella. Un o Johanni penas: “Dikenn, kawa hi o Debleskro bakro, kai lell i menshengri doosh ap peste.

Tito 2:14

Job das peskro djipen an o merepen, te las lo mari tseli doosh ap peste, un te kras lo maro dji djudjo, te was mer leskre menshe, un te kamas i tseli sorjah latcho koowa te krell.

1. Johanni 1:9

Mer te mangah men tele glan o Debleste, un penah leske, hawi doosh mer ap mende lam, palle krell lo, hoi job penas un lell i doosh mendar krik. Job hi latcho un tchatcho un thowell o tselo tchilatchepen mendar tele.

1. Johanni 3:5

Tumer djinenna, kai o Jesus Kristo was, te lell lo ko tchilatcho koowa krik, hoi kram. Tumer djinenn ninna, kai an leste kek tchilatchepen hi.