Hiob 7:20 - O Debleskro Drom 2021 (Sinte)

²⁰ Tu hal kowa, kai lell i menshen an o jak. Lom me doosh ap mande? Te wals kowa jaake, hoi krom me koleha tuke? Hoske hom me kowa, ap koleste karje deh? Hom me tuke i pharepen, hoi hunte hidjress?

O Debleskro Lab 2024 (Sinte-Manouche)

²⁰ Tou hal kova, kay lell i menshen an o yak. Lom me doosh ap mande? Te vals kova yaake, hoy krom me koleha touke? Hoske hom me kova, ap koleste karye deh? Hom me touke i pharepen, hoy hounte hidjress?

Hiob 7:20 ပူးပေါင်းရင်းမြစ်များ

Nehemia 9:6

Tu, baro Dewel hal kokres o Dewel! Tu kral o bolepen un leskre tsele bolepangre momlia, un i phub un lauter, hoi ap late hi, ninna o baro pani un lauter, hoi an leste hi. Un tu kral, te djiwell kowa lauter. Un i tsele bolepangre an o bolepen witsrenn pen tele glan tute.

Hiob 10:14

Tu kamal jak ap mande te dell, te dikess, te loms me doosh ap mande. Palle kamal miri doosh ap mande te mukell.

Hiob 10:2

Me penau ap o Debleste: Ma pen: Doosh hi ap tute! Pen mange, hawi doosh tu ap mande hatsal?

Hiob 10:6

Hoske rodeh doosh ap mande, un dikeh palla, hawo tchilatchepen krom?

Hiob 13:26

Tu aneh djungelo koowa ap mande pre un tchineh les an i liil. Ninna koi doosh, hoi anom ap mande, har terno homs, aneh tu ap miro shero pale.

Hiob 14:16

Tu dals jak ap mire dromma, dals gar jak, hawi doosh me ap mande laus!

Hiob 22:5

Na-a! Tiro tchilatchepen hunte wals baro – doleske krell lo kowa! Kreh tu gar pale te pale tchilatcho koowa?

Hiob 3:24

Mire swa hi miro chapen. un koi gole, hoi dau, well dran mande win har pani.

Hiob 31:33

An kek tsiro kamom miri doosh te khatrell, har wawar menshe krenn.

Hiob 33:27

Ko mensho giwell palle glan i menshende un penell: “Me lom doosh ap mande, un rissrom mange o tchatchepen jaake har me kamom. Un miro Dewel mukas kowa gar ap miro shero pale te well.

Hiob 33:9

“Me djiwom i djudjo djipen, un krom kek tchilatcho koowa. Kek doosh hi ap mande. O tchatcho dromestar djom gar tele.

Hiob 35:3

Un tu putcheh: “Hoi hi man kolestar, te lau kek doosh ap mande? Hawo latchepen lom koleske?”

Hiob 35:6

Koi doosh, hoi tu ap tute leh, kolah nai kreh tu tchi ap o Debleste. Te kral bud tchilatcho koowa, nai kreh tu leske tchi koleha.

Hiob 6:4

Mange djal jaake, har te dals o sorelo Dewel karje ap mande, un leskre faile wans an mande, hoi anenn mange o merepen. Kowa, hoi mukell o Dewel ap mande te well, krell man i bari daar.

Debleskri gili 21:12

Jon wan khetne un rakran, har nai krenn le tuke tchilatchepen. Tchi, hoi kamenn le tuha te krell, djal lenge mishto.

Debleskri gili 36:6

Baro Dewel, tiro latchepen hi jaake baro har o bolepen. Un tiro kamlepen ap tire menshende djal bis pash i wolke.

Debleskri gili 80:4

Baro Dewel, hade men pale pre! Dik latches ap mende, jaake djal menge pale mishto.

Ropaskre gilja 3:12

Job tserdas peskro bogo pre, te dell lo karje ap mande.