Hiob 7:18 - O Debleskro Drom 2021 (Sinte)

¹⁸ Haki tsalla dikeh ap leste, un mukeh les gar i tikno tsireske dran tiro jak, te dikess palla, har un hoske job kowa kras, hoi lo kras?

O Debleskro Lab 2024 (Sinte-Manouche)

¹⁸ Haki tsalla dikeh ap leste, oun moukeh les gar i tikno tsireske dran tiro yak, te dikess palla, har oun hoske yob kova kras, hoy lo kras?

Hiob 7:18 ပူးပေါင်းရင်းမြစ်များ

1. Mose 22:1

Pal kau koowa kamas o Dewel te dikell, te shunell o Abraham ap leste o tselo djijeha, un penas ap leste: “Abraham!” Un job penas: “Kate hom.”

Hiob 14:3

Un sawo hom me. Un tu leh man an o jak, un aneh man glan i tsillo, te kress o tchatchepen win pral mande.

Hiob 23:10

Job djinell hawo drom me djau. Dikals lo palla, har djiwau, hatsals lo win, te hom djudjo har sonakai.

Debleskri gili 73:14

Man hi duka hako diwes, haki tsalla haiwau tire dawa.

2. Mose 20:5

Tu witsress tut gar glan i wawar debleste tele, un mangess les gar an. Me, o baro Dewel, hom tiro Dewel, un kamau, te kamess man kokres. Kolen, kai kamenn mandar tchi te djinell un anenn doosh ap pende, dau me i phagi. Me dau ninna i phagi lengre tchawende un kolengre tchawende jaake rah har triin-te-star familje jek pal i wawar djiwenn.

2. Mose 32:34

Un kanna dja pale! An kol menshen an ko them, kai me rakrom lestar. Miro bolepaskro djal glan tute. Te well miro tsiro, dau i Israelitarjen pengri phagi.”

Jesaja 26:14

I mule wenn buder gar djido, un stenn buder gar pre. Kolen, kai pral mende i raja his, dal tu lengri phagi: Jon hi buder gar koi. Un i menshe bistran len.

Jeremia 9:7

Lengro rakepen hi har faile, hoi anenn o merepen. Peskro mujeha rakrell hakeno kamles, an o dji lurell job, har te taprell lo o wawares.

Daniel 12:10

I djia bud menshendar wenn djudjo kerdo un wenn thodo, har sonakai an i jag thodo well. Un i tchilatche krenn dureder o tchilatchepen. un haiwenn kau koowa gar. Kokres kolla, kai o Debleskro drom prindjrenna, haiwenn ninna kau koowa.

Zefanja 3:5

Kowa lauter krenn le, ninna te djiwell o baro Dewel mank lende. Job krell kek tchilatchepen. Un leskro tchatchepen atchell soreles tardo. Jaake har hako diwes o kham pre djal, jaake sikrell lo hako diwes, har te djiwenn le an o tchatchepen. Kol tchilatche menshe krenn pale te pale djungelo koowa, un ladjenn gar.

Zakarie 13:9

Un kolenge, kai pral atchenn, wenn phare tsirja, kai hunte djan le dren, te wenn le djudjo kerdo, jaake har rup un sonakai djudjo kerdo well an i jag. Palle denn le ap mande gole, un me shunau len. Me penau: ‘Jon hi mire menshe.’ Un jon penenn: ‘Tu baro Dewel, hal maro Dewel.’”

5. Mose 8:16

un das tumen Manna te chal an o mulo tato them, ko maro, hoi tumare phure gar prindjran. Kote sikras lo tumen: Te hi lo gar tumentsa, nai krenn tchi. Ninna kamas lo win te hatsell, hoi an tumare djia hi, te nai krell lo les tumenge pal kowa mishto.

1. Petro 1:7

Kowa wella pral tumende, te well tumaro patsepen sorelo. Jaake har o sonakai an i jag djudjo un kutch kerdo wella, jaake hunte well tumaro patsepen ninna djudjo un kutch kerdo. Tumaro patsepen hi budeder moldo har o sonakai, hoi atchell gar. Te atchell tumaro patsepen sorelo, palle sharell tumen o Dewel un krell tumen bares un railes ap ko diwes, kai well o Jesus Kristo pale.