Hiob 7:1 - O Debleskro Drom 2021 (Sinte)

¹ I menshe hunte budrenn phares ap kai phub. Pengro tselo djipen marenn le pen tele har i budepangre, kai wenn haki rati plaissedo.

O Debleskro Lab 2024 (Sinte-Manouche)

¹ I menshe hounte boudrenn phares ap kay phoub. Pengro tselo djipen marenn le pen tele har i boudepangre, kay venn haki rati playsedo.

Hiob 7:1 ပူးပေါင်းရင်းမြစ်များ

Hiob 10:17

Tu tchiweh menshen pre tardo, kai tchomone ap mande pre anenn. Un tiri choli ap mande well gomme bareder. Un tu bitchreh jek phagi pral i wawar ap mande.

Hiob 14:1

O mensho, boldo i djuwjatar, djiwell i tikno tsiro, un marell pes tele peskro tselo djipen.

Hiob 5:7

Dran o mensheste kokres well i bibacht, jaake har dran i jag tikne chatchede kotja pre phurdedo wenn.

Hiob 7:2

Jaake har i budepaskro, kai kamell, te well rati, kai well lo dran o kham, un kai well lo plaissedo,

Debleskri gili 39:4

Un miro dji chatchras i dukatar, un miro shero was tato, un me nai rikrom man buder gar pale, un penom:

Sikepaskro 8:8

O menshes hi kek soor, te nai rikrell lo o phurdepen pre. Un les hi kek soor pral ko diwes, kai merell lo. Ninna glan o kurepen nai nashell peske kek. Un peskro tchilatcho koowa nai lell gar o tchilatches win dran i bibacht.

Jesaja 16:14

Kanna penell job: An triin bersha – kek diwes sikeder un kek diwes palla – well o Moabeskro brawlepen un sharepen krik lino. Kol bud menshendar atchenn gar budeder djido har i wast pherdo. Un kolla hi gar sorelo.

Jesaja 21:16

Jaake rakras o baro Dewel, maro rai, ap mande: An jek bersh – kek diwes sikeder un kek diwes palla – well o tselo railepen dran o them Kedar krik lino.

Jesaja 38:5

Dja pash o Hiskija, un pen leske: “Kawa penell o baro Dewel, ko Dewel tiro dadestar, o Davidestar: Me shunom tiro mangepen, un me dikom tire swa. Shun, me kamau pash tiro djipen gomme 15 (deesh-te-pantch) bersha pashel te tchiwell.

Jesaja 40:2

“Rakrenn i menshenge an Jerusalem an o dji, un penenn lenge: Ko tsiro hi trujel, kai hunte budran tel duka un dawa. Tumari tseli doosh hi plaissedo. O baro Dewel das tumen i phagi, hoi his jaake baro, har te lans dui kope i phagi tumaro tselo tchilatchepaske.”

3. Mose 25:50

Un khetne koleha, kai ginas les, dikell lo palla, kitse bersha job leske budras un kitse bersha atchenn, bis te well ko bersh, kai i tseli sijaan muklo well. Ko tsiro, hoi job pash koleste budras, well tele tserdedo. Kol bershenge, kai atchenn pral, hunte plaissrell lo jaake bud, har jekeske plaissedo well, kai haki rat peskri budjake plaissedo well.

5. Mose 15:18

Te hunte mukess i budepaskres te djal, muk kowa tuke gar phares te well an tire jaka. Job budras tuke shob bersha jaake bud har dui budepangre, kolen hako diwes hunte plaissress. Palle dell tut tiro baro Dewel bacht an halauter, hoi tu kreh.