Hiob 6:9 - O Debleskro Drom 2021 (Sinte)

⁹ Har kamoms, te wals leske shukar, te dell lo man mulo, te lell lo miro djipen mandar.

O Debleskro Lab 2024 (Sinte-Manouche)

⁹ Har kamoms, te vals leske shoukar, te dell lo man moulo, te lell lo miro djipen mandar.

Hiob 6:9 ပူးပေါင်းရင်းမြစ်များ

1. Rajengro liil 19:4

Un job djas i diwes dur an o mulo them. Un kote beshas lo pes tel i burra, un kamas te merell un penas: “Kanna hi doha, baro Dewel. Muk man te merell! Me hom gar feteder har mire phure.”

Hiob 10:1

Kamau buder gar te djiwell. Doleske rikrau miro ropen ninna gar pale, un rakrau jaake, har miro dukedo dji mange penell.

Hiob 11:20

I tchilatche haiwenn gar, hoske lenge djungeles djal, un hatsenn gar win dran lengri bibacht. Lenge atchell tchi har te dikenn le ap ko diwes, kai merenn le.

Hiob 14:13

Har kamoms, te khatress tu man an o mulengro them, te pandess man kote dren, bis te tiri choli trujel hi. Kamoms te mukals man jek tsiro koi, un palle woms tuke pale an o shero!

Hiob 19:21

Mire mala, krenn tumare djia mange pre! Awenn mange latches! O Debleskro wast das man!

Hiob 6:8

Ach, te shunell o Dewel, hoi lestar mangau, un krell kowa, hoi lestar kamau!

Hiob 9:21

Kek tchilatchepen krom me. Miro djipen hi mange buder tchi moldo. Kamau buder gar te djiwell. Lauter hi mange jek. Doleske penau me: O Dewel dell koles mulo, kai latcho un tchatcho hi, un ninna koles, kai tchilatcho hi.

Debleskri gili 32:4

Miro Dewel, diwes un rati his tiro wast phares ap mande tchiddo, un miri djipaskri soor djas jaake peske mandar, har o senlepen peskri soor nashrella an o tato nijal.

Jesaja 38:12

Tele phagedo hi miro djipen, har o plachteno kheer i bakrengro murshestar, kai dureder djal. Tele tchinlo hi miro djipen har i thab dran i kotar than. Diwes un rati mukeh tu man te haiwell, te hi mantsa trujel.

Jona 4:3

Un kanna, baro Dewel, le miro djipen mandar! Miro merepen hi mange mishto, budeder har te djiwap!”

Jona 4:8

Un har o kham ap o bolepen tardo his, mukas o baro Dewel i tato phurdepen dran o mulo them te well, un o kham das jaake tchurje ap o Joneskro shero, te nashras lo peskri soor. Un job kamas te merell un penas: “Miro merepen hi mange mishto, budeder har te djiwap!”

Debleskro tsiro 9:6

Un an ko tsiro kamenn i menshe te merell, un nashte merenn gar. Lengro dji nashell pal o merepen, un o merepen nashell lendar.