Hiob 6:15 - O Debleskro Drom 2021 (Sinte)

¹⁵ Mire mala sikran pen, te hi le chochene. Har panja hi le, kai truk wenn.

O Debleskro Lab 2024 (Sinte-Manouche)

¹⁵ Mire mala sikran pen, te hi le rhorhene. Har panya hi le, kay trouk venn.

Hiob 6:15 ပူးပေါင်းရင်းမြစ်များ

Hiob 11:16

Tiri bibacht nai bistreh. Te well li tuke an tiro shero, hi li har pani hoi krik nashas.

Hiob 13:4

Tumer tchakrenn o tchatchepen o chochepah, han dramangre, kai tchi-moldo hi, – tumer halauter.

Hiob 14:11

Dran o baro pani nashell o pani win. Un o lengsto pani nashrell bud un budeder pani, bis te hi lo truk.

Hiob 19:13

Job rikras mire phralen dur mandar krik. Un kolen, kai me latches prindjrom, krenn jaake, har prindjrans le man gar.

Hiob 19:19

Mire latche mala dikenn tele ap mande. Un kolen, kai me o djijestar kamom, sikrenn mange o dumo.

Hiob 6:16

An o wend hi kol panja shila un tamlo un gib tchakrell len.

Debleskri gili 38:11

Miro dji djal sikeder. Miri soor mukas man. Un mire jaka nashran pengri soor.

Debleskri gili 41:9

“I bibacht hi ap leste”, penenn le. “Koon jaake tchiddo hi, stell buder gar pre.”

Debleskri gili 88:18

Jon wenn ap mande haki rigjatar, har baro diwjo pani hi le trul mande o tselo diwes.

Gosewe laba 25:19

Te hi tut i kalo diwes un dikeh ap i maleste, te well lo ap tiri rig, un job hi kek mursh o labestar, palle hi kowa, har te dandals ap i tele phagedo dand, un har te nashals ap jek heri.

Jeremia 12:6

Ninna tire phrala un i menshe dran tiro dadeskro kheer mukan tut te perell, un dan tchilatches gole pal tute har kol wawar. Dik tut glan lendar, ninna te rakrenn jon kamlo tuha.

Jeremia 15:18

Hoske wenn mire duka gar sasto? Hoske hi miro dukepen jaake djungelo, te well lo gar sasto? Tu wal mange har i brunna, kai an o nijale kek pani dren hi.

Jeremia 30:14

Tire tsele pirne bistran tut, putchenn buder gar pal tute. Me dom tut dawa, har jekes, koles kamom te marell. Krom miro dji tuke pandlo, har dom tut dawa tiri bari doshake un ko bud tchilatcho koowa, hoi kral.

Jeremia 38:22

Me dikom, har wan i tsele djuwja, kai pral atchan an tiro kheer win anlo pash i pralstunende o baro rajestar dran o them Babilonia. Kol djuwja penenn tuke palle: “Tire mala, kai tuke penan ‘lauter hi mishto’, rakran jaake bud an tute dren, te kral tu i dinelo koowa. Kanna, kai tire pire an i sapeni tchik hi, mukenn jon tut kokres.”

Johanni 13:18

Kowa penau me gar tumendar halauterendar. Me djinau, kones me win rodom. Kowa hunte well jaake, har an o Debleskro lab tardo hi: Kowa, kai chal kanna o maro mantsa, dell i ladini ap mande.

Johanni 16:32

“Dikenn, ko tsiro wella un hi koi, kai nashenn tumer halauter mandar. Hakeno djal pale khere. Un man mukenn tumer kokres. Ninna te mukenn man, hom me gar kokres. O dad hi pash mande.

Judas 1:12

Kol menshenge hunte ladjenn tumen. Te wenn tumer khetne, te pijenn un te chan, palle chan jon pen thulles pash tumende un ladjenn pen gar. Jon dikenn ap pende kokres, te djal lenge kokres mishto. Jon krenn bare laba, hoi tchi moldo hi. Jon hi har ruka, ap kolende tchi baro wella, witar kek patria, un kai hi tseles mulo un wenn tele dino.