Hiob 5:6 - O Debleskro Drom 2021 (Sinte)

⁶ Dran i phub well kek tchilatchepen win, witar kek bibacht dran o hachetikri phub.

O Debleskro Lab 2024 (Sinte-Manouche)

⁶ Dran i phoub vell kek čilačepen vin, vitar kek bibarht dran o harhetikri phoub.

Hiob 5:6 ပူးပေါင်းရင်းမြစ်များ

Hiob 15:35

An lengre sherja hi midjak koowa. Pral pende un i wawarende anenn le bibacht. Un lengre djia hi pherdo phukepen.

Hiob 34:29

Te rikrell pes o Dewel pale, nai penell kek leske: ‘Tu anal doosh ap tute!’ Te khatrell lo pes, nai dikell les kek. Hoi nai krenn i menshe, hoi nai krell i natsjona,

Debleskri gili 90:7

Dran tiri choli merah jaake sik. Tiri choli khossell men krik.

Jesaja 45:7

Me hom kowa, kai krell, te well diwes un rati. Me hom kowa, kai dell bacht un bibacht. Me, o baro Dewel, krau kowa lauter.

Ropaskre gilja 3:38

Kowa hi o Dewel pral halauter, kai penell, te well i bibacht un ninna i bacht.

Hosea 10:4

I bare raja krenn bud laba, denn pen chochene sobja, un krenn pen wawar thementsa khetne. Kowa, hoi kharenn le ‘tchatchepen’, hi har ko tchilatcho senlepen, hoi well baro ap i hachetikri phub un anell o merepen.

3. Mose 25:5

Kowa, hoi pre djal ap tiro kotar phub, aness gar dren. I drake hoi wenn, kai tu kol ruka gar tchinal, tchiness gar tele. Koi phub hunte lell pale newi soor.

Amos 3:6

Phurdell jek an i kurepaskri trompeta an o foro, un i menshe lenn kek daar? Na-a! Well i bibacht pral o foro, hoi o baro Dewel bitchras gar? Na-a!

Hebrearja 12:15

Denn jak, te tchiwell kek o Debleskro latchepen ap i rig! Denn jak, te djal kek tchilatcho rakepen mashkral tumende trujel, un krell o patsepen bud patslendar paash! Sawo rakepen hi har i tchilatcho chuchur, hoi krell kolen nasselo, kai les chana.

1. Samuel 6:9

Palle sikrell pes, hawi rigjatar koi bari bibacht pral mende was: Te djan le pre an lengro them, ap o drom an Bet-Shemesh, palle his o baro Dewel, kai sawi bari bibacht ap mende anas. Te djan le ap i wawar rig, palle haiwah, te his gar leskro wast, hoi men das, un kau tselo koowa tchitcheske ap mende was, un kek bitchras les.”