Hiob 5:21 - O Debleskro Drom 2021 (Sinte)

²¹ Job khatrell tut glan o rakepen, hoi i tchilatche tchipja rakrenn. Te well i kurepaskro tsiro, hunte well tut kek daar.

O Debleskro Lab 2024 (Sinte-Manouche)

²¹ Yob khatrell tout glan o rakepen, hoy i čilače čipya rakrenn. Te vell i kourepaskro tsiro, hounte vell tout kek daar.

Hiob 5:21 ပူးပေါင်းရင်းမြစ်များ

Hiob 5:15

O Dewel lell o tchorweles dran o tchilatcho rakepen win, un dran o wast o sorleder tserdell lo les win.

Debleskri gili 31:20

Har baro hi tiro latchepen, miro Dewel, kolenge, kai djiwenn tuha! Hakeneste sikreh tu, har latcho tu kolenge hal, kai rikrenn pen ap tute.

Debleskri gili 31:21

Tu khatreh len pash tute kol menshendar, kai tchiwenn pen khetne, te krenn le lenge tchilatchepen. Tu mukeh kek praassepen pral lende te well.

Debleskri gili 55:21

O phukepaskro djal ap peskro maleste pre un rikrell gar peskri sowel, hoi das lo leste glan o Debleste.

Debleskri gili 57:4

Dran o bolepen mu well lo mange ap i rig, un lell man win dran o praassepen kolestar, kai man palla lell. O Dewel mu sikrell man, te hi lo mange latcho, un te rikrell lo pash mande.

Gosewe laba 12:18

Laba, hoi sik win rakedo wenna, nai denn tchurje har i charo. O rakepen i gosewe menshendar anell sastepen.

Gosewe laba 3:25

Tut hunte well kek daar glan i bibacht, hoi well sik, witar gar glan o merepen, hoi well pral kolende, kai kamenn o Deblestar tchi te djinell.

Jesaja 54:17

Kek charo, hoi kerdo was, te dell lo tut mulo, nai dukrell tut. Un hako kopo, kai jek tchomone ap tute pre anell, nai sikreh tu, kai job chochras. Kowa krau kolenge, kai mange budrenn. Un me sikrau, te hi jon an o tchatchepen, penell o baro Dewel.

Jeremia 18:18

Koi hi menshe, kai penenn: Awenn, te rakras koi pral, hawo tchilatchepen mer nai krah ap o Jeremia. Men hi doha rashaja, kai nai sikrenn men maro drom, un doha gosewe, kai nai penenn menge, hoi te kras, un doha Debleskre rakepangre, kai nai penenn menge o Debleskre laba. Mer tapras les leskre labentsa, un das tchi ap leskro rakepen!