Hiob 5:20 - O Debleskro Drom 2021 (Sinte)

²⁰ Te hi bari bok an o them, mukell lo tut gar te merell. Un an o kurepen mukell lo tut gar i chareha te marell.

O Debleskro Lab 2024 (Sinte-Manouche)

²⁰ Te hi bari bok an o them, moukell lo tout gar te merell. Oun an o kourepen moukell lo tout gar i rhareha te marell.

Hiob 5:20 ပူးပေါင်းရင်းမြစ်များ

1. Mose 45:7

Un o Dewel bitchras man glan tumende an kau them, te lell job tumen dran i bari bok win, te atchenn tumer un tumare tchawe djido ap i phub.

1. Rajengro liil 17:6

Taissarlakro un rati anan leske i korake maro un mass, un dran o pani pijas lo.

Debleskri gili 118:18

Ninna te das lo man soreles, mukas lo man gar te merell.

Debleskri gili 144:10

Tu kreh, te well jek themeskro rai sorleder har ko wawar. Un tu kreh, te well tiro budepaskro, o David, gar maredo o chareha.

Debleskri gili 27:3

Ninna te wenn bud lurde trul mande trujel, taprell miro dji kek daar. Ninna te djan le an o kurepen khatar mande, hom me pherdo patsepen ap miro baro Debleste.

Debleskri gili 33:19

un lell lengro djipen dran o merepen win. Ninna te well bari bok pral o them, merenn le gar.

Debleskri gili 37:19

An i tchilatcho tsiro mukell lo len gar, un an i boklo tsiro dell job len doha te chal.

Debleskri gili 49:7

Jon tchiwenn pengro patsepen ap pengro brawlepen, un sharenn pen har brawele jon hi.

Gosewe laba 10:3

O baro Dewel mukell i latches gar te bokell. Krik pestar tradell lo ko tchilatches, koles bok pral bud koowa hi.

Jesaja 33:16

sawe menshe djiwenn palle an o pralstunepen, an i berge hi lengro khatepen. Un len hi doha chapen un pipen.

Jeremia 37:21

Kote mukas o baro rai Zedekja te penell, te rikrenn le o Jeremia ap koi platsa stildo, kai rikran pen i lurde pre. Un job mukas leske hako diwes i maro te anell, kotar kai o maro peklo was, jaake rah bis te his buder kek maro an o foro. Jaake atchas o Jeremia ap koi platsa stildo.

Jeremia 39:18

Me kamau te djiwess, un te wess gar o chareha maredo. Tu patsal mange. Doleske krau, te nai nasheh tuke. Tiro djipen atchell tuke. Kowa penell o baro Dewel.

Hosea 13:14

Ginap me len win dran i soor, hoi o mulengro themes hi? Lap me len win dran o merepen? Tu, merepen, kai hi tut ko nasslepen, ap koleste i menshe merenn? Tu, mulengro them, kai hi tut ko pharo nasslepen, hoi anell i menshen pash tute? Kal menshe khaitenn man buder gar.

Habakuk 3:17

O faigetikro ruk hi gomme gar senelo, un ap i drakengre ruka hi kek drake. O djeteskro ruk hidjrell kek djeteskre drake. un ap i hachetikri phub well kek djob baro. Kek bakre hi win, un kek grumja hi tarde an i stanja.

Mateo 24:6

Baro kurepen wella an kol themma, kai hi dur tumendar un ninna an kolla themma, kai hi gar dur tumendar. Te shunenn tumer kowa, ma trashenn! Ko hunte well jaake. Ko tsiro, kai o Dewel o rai hi pral halauterende, well gar jaake sik.