Hiob 5:15 - O Debleskro Drom 2021 (Sinte)

¹⁵ O Dewel lell o tchorweles dran o tchilatcho rakepen win, un dran o wast o sorleder tserdell lo les win.

O Debleskro Lab 2024 (Sinte-Manouche)

¹⁵ O Devel lell o čorveles dran o čilačo rakepen vin, oun dran o vast o zorleder tserdell lo les vin.

Hiob 5:15 ပူးပေါင်းရင်းမြစ်များ

Hiob 29:17

I tchilatcheske dom i danda paash, un tserdom koles dran leskro mui, hoi kamas lo te chal.

Hiob 34:28

Jon djan jaake tchilatches i tchorwelentsa trujel, te dan jon gole ap o Debleste. Un job shunas koi gole kolendar, kai tele rikedo wan.

Hiob 34:30

te tchiwals o Dewel i tchilatches pral lende, te well lo lengro rai, un kowa anell len o tchatcho dromestar tele?

Hiob 36:15

Phare tsirja un duka hi ko Debleskro drom, har rakrell o Dewel i mensheha. Koi krell lo leske i kanda pre, te shunell lo ap leste.

Hiob 36:6

Job mukell o tchilatches gar djides, un well koleske ap i rig, kai tele rikedo well, te lell job peskro tchatchepen.

Hiob 38:15

Te well diwes, nai krenn i tchilatche buder kek tchilatcho koowa an o tamlepen, un nai dukrenn buder gar wawar menshen.

Hiob 4:10

Jon nai denn bari gole har i lewe, o Dewel phagell lenge i danda win.

Hiob 4:11

I lewe merenn, te hi len tchi marepaske un chapaske. Un lengre terne nashrenn pen kate te kote.

Hiob 5:21

Job khatrell tut glan o rakepen, hoi i tchilatche tchipja rakrenn. Te well i kurepaskro tsiro, hunte well tut kek daar.

Debleskri gili 10:14

Tu dikal les. Tu deh jak ap kolende, kolenge le o djipen phares krenn, un djineh lengre duka, un leh lengro koowa an tiro wast. Awa, i tchorwele tchiwenn pengro djipen an tiro wast. Tu hal ap i rig kolendar, kolen kek dad buder hi.

Debleskri gili 10:17

Kowa, hoi i tchorwele tutar mangenna, shuneh tu, mo baro Dewel. Tu kreh lengro dji sorelo, un tiro kand hi lenge pre.

Debleskri gili 107:41

I tchorwelen las lo win dran lengri bibacht, un kras, te wan jon pale bud, jaake har bakre, hoi wenn bud un budeder.

Debleskri gili 109:31

Job well o tchorweleske ap i rig, un lell les win dran i wasta kolendar, kai penenn: “Job hunte well maredo.”

Debleskri gili 140:12

Koles i tchilatchi tchip hi, koles te well kek bacht an kau them! Un i marepangre, te wenn le tradedo i bibachtjatar un hunte perenn!

Debleskri gili 35:10

Lauter, hoi an mande hi, penell: Baro Dewel, koon hi jaake har tu? Tu leh o tchorweles win dran i wasta kolendar, kai sorleder hi har job. Tu leh koles, kai bibachtelo un tchorwelo hi, win dran i wasta kolendar, kai tchoran leskro koowa.

Debleskri gili 72:4

O baro rai mu rakrell i tchorwelenge mishto, un well ap i rig kolendar, kai tele rikedo wenn, un stakrell kolen khetne, kai len dukrenna.

Jeremia 39:11

Un o Nebukadnezar, ko rai dran o them Babilonia, rakras o pralstuneha i lurdendar, o Nebusaradan, un penas leske, hoi te krell lo o Jeremijeha:

Daniel 1:9

Un o Dewel kras, te was o pralstuno pral o rajeskro kheer latches un kamles ap o Danieleste.