Hiob 5:14 - O Debleskro Drom 2021 (Sinte)

¹⁴ Pral o diwes mukell lo len an o tamlepen te nashell, un mashkral diwes dikenn le pengro drom gar, har te wals rati.

O Debleskro Lab 2024 (Sinte-Manouche)

¹⁴ Pral o dives moukell lo len an o tamlepen te nashell, oun mashkral dives dikenn le pengro drom gar, har te vals rati.

Hiob 5:14 ပူးပေါင်းရင်းမြစ်များ

Hiob 12:25

Har korele rikrenn le pengre wasta win, te hatsenn le pengro drom an i kali rat, kai kek momeli hi, un har i mate nashrenn le pen.

Hiob 15:30

Job nai well gar win dran o tamlepen, un hi har ko ruk, koleskre senele kashta chatchedo wenn an i jag. Un o Dewel phurdell ap leste, un krik hi lo.

Hiob 18:18

I phubjatar, kai i djide djiwenn, was lo tradedo an ko tamlo them, kai i mule hi.

Hiob 20:26

Leskro tselo kutch koowa well paash kerdo. Un i jag, hoi kek mensho tchiwas, chatchrell les pre, un kolla, kai an leskro kheer pral atchan.

Hiob 22:11

Tamlepen hi trul tute, te nai dikeh tchi. Un bare panja djan pral tute.

Hiob 24:13

Tchilatche menshe kamenn gar o diwes, un djan gar ap dromma, ap kolende o kham perell. Sawe dromendar djan le tele.

Hiob 38:15

Te well diwes, nai krenn i tchilatche buder kek tchilatcho koowa an o tamlepen, un nai dukrenn buder gar wawar menshen.

2. Mose 10:21

Kote penas o baro Dewel ap o Mose: “Hade tiro wast pre pash o bolepen! Palle well sawi kali rat pral o tselo them Egiptia, kai dikeh nai tiro wast gar glan i jaka.”

2. Mose 10:22

Un o Mose hadas peskro wast pash o bolepen pre. Kote was i kali rat pral o tselo them Egiptia. Triin diwessa atchas li.

Gosewe laba 4:19

O drom kolendar, kai o tchilatchepen krenn, hi har i kali rat; jon nai dikenn gar, pral hoi jon perenn.

Jesaja 59:10

Har korele taprah pal i wanta, har sawe, kai dikenn gar, kai le djan. Mashkral o diwes perah har te wals rati. Mank i saste ham jaake har te wams mule.

Amos 8:9

O baro Dewel, maro rai, penell: An ko diwes djal o kham tele mashkral o diwes. Un mashkral o diwes well i rati pral o them.

5. Mose 28:29

Ap o diwes, kai o kham pralstunes tardo hi, rikrenn tumer tumare wasta glan tumende, te rodenn tumaro drom, har korele, kolenge hako tsiro har i rati hi. Tumen well kek bacht an tumaro djipen. Wawar menshe djan sorjah ap tumende pre un tchorenn tumen pale te pale win. Un kek well ap tumari rig.