Hiob 5:13 - O Debleskro Drom 2021 (Sinte)

¹³ Job taprell i gosewen an pengro goswepen. Un kowa, hoi kolla dui tchipjentsa mank pende win kran, kowa mukell lo gar te djal.

O Debleskro Lab 2024 (Sinte-Manouche)

¹³ Yob taprell i goseven an pengro gosvepen. Oun kova, hoy kolla douy čipyentsa mank pende vin kran, kova moukell lo gar te djal.

Hiob 5:13 ပူးပေါင်းရင်းမြစ်များ

2. Samuel 15:31

Un har o Davideske penlo was, kai o Ahitofel ap o Absalomeste rikrell, penas job: “Baro Dewel, kre te patsell hakeno, kai kowa, hoi o Ahitofel penell, dinlepen hi!”

2. Samuel 15:34

Dja pale an o foro, un pen ap o Absalomeste: ‘Me kamau tiro budepaskro te well, jaake har homs tiro dadeskro budepaskro.’ Hal tu jaake pash o Absalomeste tardo, nai peneh tu, kai kowa gar mishto hi, hoi o Ahitofel penell.

2. Samuel 17:23

O Ahitofel shunas, kai was kowa gar kerdo, hoi job penas. Koi tchiwas lo i ledertikri plachta ap peskri burika, beshas pes koi pre un klissas khere an peskro foro. Kote penas lo i menshenge an peskro kheer, hoi te krenn le pal leskro merepen. Palle bladas lo pes pre, un meras. Un job was paskedo an o mulengro kheer peskro dadestar.

Ester 7:10

Jaake bladan le o Hamanes ap ko kasht pre, koles job o Mordekajeske mukas pre te tchiwell. Un i choli o baro rajestar djas pale.

Ester 9:25

An ko liil his ninna tardo, har i Ester pash o baro rajeste djas un har kowa an i liil penas, te well o Hamaneha ko tchilatcho koowa kerdo, hoi job kamas i biboldentsa te krell. Un jaake was o Haman un peskre tchawe ap i bare kashta pre bladedo.

Hiob 15:5

Pal bud laba khatreh tiri doosh, un rakreh har i chocheno rakrell.

Hiob 37:24

Doleske dikenn i menshe pre ap leste. Job dikell kekes an, kai rikrell pes jekeske, kai hi gosewo.

Debleskri gili 18:26

Tu rikreh ap koleste, kai ap tute rikrell, un kreh, hoi mishto hi koleske, kai krella, hoi tu lestar kameh.

Debleskri gili 9:17

O baro Dewel sikras, koon job hi, un das i tchilatchende pengri phagi. I tchilatche pandan pen an koi netsa, hoi jon pengre wastentsa kran.

Gosewe laba 3:32

O baro Dewel dikell chojedes ap kolende, kai bange dromma djan. I maal hi lo kolenge, kai ap o tchatcho drom djan.

Jesaja 19:3

Palle djinenn i Egiptarja gar buder, hoi te krenn le. Un me krau, te djal lenge gar, hoi kamenn le te krell. Un palle djan le pash pengre chochene deblen, te putchenn le lendar, un pash kolende, kai i mulen putchenn, un pash i durkepangren un drawepangren.

Jesaja 44:25

Me krau, te wenn kol laba gar tchatcho, hoi i durkepangre penan, un mukau kol drawepangre har dinele win te dikell. Me sikrau, har hi tchi-moldo ko goswepen kolendar, kai patsenn, te hi le gosewo. Me tchakrau pre, te hi lengro goswepen tchatchepah dinlepen.

Jeremia 18:18

Koi hi menshe, kai penenn: Awenn, te rakras koi pral, hawo tchilatchepen mer nai krah ap o Jeremia. Men hi doha rashaja, kai nai sikrenn men maro drom, un doha gosewe, kai nai penenn menge, hoi te kras, un doha Debleskre rakepangre, kai nai penenn menge o Debleskre laba. Mer tapras les leskre labentsa, un das tchi ap leskro rakepen!

Jeremia 49:7

Laba pral i Edomarja. Kawa penell o baro Dewel, ko rai pral o bolepen un i phub: Hi kanna buder kek goswepen an o foro Teman? Djinenn i gosewe buder gar, hoi te krenn le? Tserdas pes o goswepen lendar krik?

Jeremia 8:8

Har nai penenn tumer: ‘Mer ham gosewo. Men hi o baro Debleskro lab pash mende.’ Chochepen hi kowa lauter, hoi kol sikepangre dran kowa krenna.

Jeremia 8:9

Kol gosewe witsran o Debleskro lab pal pende. Hawo goswepen atchell lenge? O diwes well, kai well ladj un daar pral lende. Jon wenn tapedo un pandles krik anlo.

Jeremia 9:22

I gosewo te sharell pes gar, kai job gosewo hi. I sorelo te sharell pes gar, kai job sorelo hi. I brawelo te sharell pes gar, kai job brawelo hi.

4. Mose 22:25

Un har koi burika o baro Debleskro bolepaskres dikas, djas joi jaake dur ap i rig, te was o Bileameskri heri dukedo ap kol massuri. Un job das lat o duito kopo.

Louka 1:51

Un job hadas peskri soreli mussi, un tradas kolen krik, kai kran pen kokres bares.

1. Korintarja 3:19

Kowa, hoi pash i menshende goswepen hi, hi an o Debleskre jaka dinlepen. An o Debleskro lab hi tchinlo: O Dewel taprell kolen an lengro chochepen, kai penenn pendar, kai jon gosewo hi.