Hiob 42:12 - O Debleskro Drom 2021 (Sinte)

¹² Un o baro Dewel tchiwas budeder bacht ap o Hiob har glan kowa. Un job las 14.000 (deesh-te-star-serja) bakre un 6.000 (shob-serja) khamele un 2.000 (dui serja) grumja un 1.000 (jek sero) burike.

O Debleskro Lab 2024 (Sinte-Manouche)

¹² Oun o baro Devel čivas boudeder barht ap o Hiob har glan kova. Oun yob las 14.000 (deesh-te-star-zerya) bakre oun 6.000 (shob-zerya) khamele oun 2.000 (douy zerya) groumya oun 1.000 (yek zero) bourike.

Hiob 42:12 ပူးပေါင်းရင်းမြစ်များ

1. Mose 24:35

O baro Dewel tchiwas bari soor un bud bacht ap miro rai. Jaake was job brawelo. O Dewel das les bakre un grumja, rup un sonakai, budepangre: mursha un djuwja, ninna khamele un burike.

1. Mose 32:14

Un o Jakob atchas i rati koi. Un las i viechendar, hoi pash leste his, te dell lo len peskro phraleste Esau:

Hiob 1:10

Tu deh jak ap leskro kheer un ap lauter, hoi les hi. Tu tchiwal tiri bacht ap lauter, hoi job an-taprell. Un leskre vieche wan bud un budeder an o tselo them.

Hiob 1:2

Un les his efta mursh tchawe un triin tcha.

Hiob 1:3

Ninna his les bud vieche: 7.000 (efta-serja) bakre un 3.000 (triin-serja) khamele, un jek serja grumja, kolendar hako kopo dui khetne budran, un 500 (pantch-sheel) djuwelkane burike. Un les his bud bud budepangre. Kek mensho his brawleder har o Hiob an ko them, hoi hi kote tchiddo, kai o kham pral djal.

Hiob 8:7

Kowa, hoi tut glan kowa his, well tuke tiknes glan, te dikeh ko baro brawlepen, hoi dell tut o Dewel an ko tsiro, hoi wella.

Debleskri gili 107:38

Un job das len bacht, un jon wan bud un budeder. Un job das len ninna bud viechen.

Gosewe laba 10:22

Te tchiwell o baro Dewel peskri bacht ap tute, weh tu brawelo. Un kowa, hoi tu koi pashel kreh, hi tchitcheske.

Sikepaskro 7:8

Feteder hi, te pandess tiro mui, har te kress tiro mui pre o rakepaske. Feteder hi, te dess gar sik pre, har te wess pre-phurdo.

Ezekiel 36:11

Un me krau, te wenn i menshe un vieche bud ap tumende. Jon lenn bud tchawe. Un me krau te nai djiwenn i menshe kote jaake, har an i phure tsirja his. Un krau tumenge budeder latchepen har an kek tsiro glan kowa. Palle dikenn un haiwenn tumer, te hom me o baro Dewel.

5. Mose 8:16

un das tumen Manna te chal an o mulo tato them, ko maro, hoi tumare phure gar prindjran. Kote sikras lo tumen: Te hi lo gar tumentsa, nai krenn tchi. Ninna kamas lo win te hatsell, hoi an tumare djia hi, te nai krell lo les tumenge pal kowa mishto.

1. Timoteo 6:17

Pen kol brawelenge, te rikrenn jon pen gar bareder har wawar, un te tchiwenn jon pengro patsepen gar ap o brawlepen, hoi gar atchella. Mer tchiwas maro patsepen ap o Debleste, kai dell men lauter djipaske, jaake te nai djiwas bachteles.

Jakobo 5:11

Kolla hi tchatchepah bachtelo, kai rikran soreles ap o Debleste. Tumer shunan, har rikras pes o Hiob soreles ap o Debleste, un tumer djinenna, hawo brawlepen o Dewel les lauter das. O Debles hi i baro dji i menshenge un hi lenge latches.