Hiob 40:8 - O Debleskro Drom 2021 (Sinte)

⁸ Kameh tu tchatchepah te penell, me djau gar pal o tchatchepen? Peneh, te anom me doosh ap mande, te nai wess tu koi tardo, har te wals tut tchatches?

O Debleskro Lab 2024 (Sinte-Manouche)

⁸ Kameh tou čačepah te penell, me djau gar pal o čačepen? Peneh, te anom me doosh ap mande, te nay vess tou koy tardo, har te vals tout čačes?

Hiob 40:8 ပူးပေါင်းရင်းမြစ်များ

Hiob 10:3

Hoi aneh kawa tuke, te rikreh man sorjah tele? Hoske witsreh man tutar krik, man, koles tire wasta kran, un mukeh kowa mishto te djal, hoi lan pen i tchilatche glan?

Hiob 10:7

Tu djineh, te hi ap mande kek doosh, un te hi kek koi, koon nai lell miro djipen dran tiro wast win.

Hiob 13:18

Me anom kawa pre, te well win kerdo, hoi o tchatchepen hi. Me djinau, te hi man tchatcho.

Hiob 16:11

Miro Dewel das man o tchilatchenge an i wasta, kolenge, kai kamenn lestar tchi te djinell.

Hiob 19:6

Dikenn tumer gar dren, te hi kowa o Dewel, kai djas gar mishto mantsa trujel? Hi jaake, har te taprals lo man an i netsa.

Hiob 32:1

Un kol triin mursha penan buder tchi pale ap o Hiob doleske, kai his job an peskre jaka an o tchatchepen tardo.

Hiob 32:2

Kote was i choli an o Elihu, koleskro dad o Barachel his i menshendar, kai kharenn Busarja, dran i familja Ram. O Elihu was chojedo doleske, te patsas o Hiob, te wals job budeder an o tchatchepen har o Dewel.

Hiob 34:17

Nai wals o Dewel o rai pral i phub, te stakrals lo peskre pirentsa ap o tchatchepen? Kameh doosh ap o sorelo Debleste te anell, kai hako tsiro an o tchatchepen tardo hi?

Debleskri gili 51:4

Thob miri doosh mandar tele, un le ko tselo tchilatchepen mandar krik, te wap pale djudjo!

Jesaja 14:27

O baro Dewel, ko rai pral o bolepen un i phub, las pes kowa glan. Koon nai krell, te well kowa gar? Leskro wast hi hadedo. Koon nai lell leskro wast pale?

Jesaja 28:18

Un kowa, hoi tumer win kran o merepah un o mulengro themeha, well krik lino un hi gar buder. Un i lurde wenn har i baro pani, un stakrenn tumen khetne.

Jesaja 43:26

Pen mange, hoi krom, hoi kamal tu gar! Dikas khetne ap kowa, hoi tumer kran! Rake tu, te dikap, te hal an o tchatchepen!

Jesaja 45:9

Djungeles djal koleske, kai chojedo hi koleha, kai les kras! Job hi tchi har i kotar dran i paash dino tcharo mank wawar paash dine kotja. Ko tchik, dran koleste tchare chatchedo wenn, nai penell lo ap koleste, kai lestar tchomone krell: Hoi kreh tu? Un ko tcharo, hoi lo kras, penell kowa nai ap leste: Tu haiweh tchi!

Remarja 3:4

Na-a, kowa kras lo gar. O Dewel hi tchatcho. Hako mensho hi i chocheno. An i Debleskri gili hi tchinlo: Tu, mo Dewel, lauter, hoi rakreh, hi tchatcho. Kek nai well un penella, kai tire laba gar tchatcho hi.

Galatarja 3:15

Mire phrala, kanna rakrau pral tchomone, hoi tumer lauter prindjrenna. Te krenn dui menshe tchomone win un denn pengro dadeskro wast koi pre, nai penell kek: Kanna hi kowa buder tchi moldo. Witar gar nai tchiwell jek tchomone koi pashel.

Galatarja 3:17

Me kamau tumenge kawa te penell: O Dewel das o Abrahameste peskro lab, un tchiwas peskro wast koi pre, te well kowa tchatcho, hoi job penas. O Moseskre laba wan star-sheel-te-triin-deesh (430) bersha palla un nai lenn ko lab gar krik, hoi o Dewel o Abrahameste das.

Hebrearja 7:18

Jaake tchiwas lo kol phure laba, hoi o Mose i menshenge penas, ap i rig. An kol laba his kek soor. Un jon his tchi moldo.