Hiob 40:4 - O Debleskro Drom 2021 (Sinte)

⁴ Dik, me hom tchi moldo! Hoi penap me tuke? Me tchiwau miro wast ap miro mui.

O Debleskro Lab 2024 (Sinte-Manouche)

⁴ Dik, me hom či moldo! Hoy penap me touke? Me čivau miro vast ap miro mouy.

Hiob 40:4 ပူးပေါင်းရင်းမြစ်များ

1. Mose 18:27

Penas o Abraham: “Shun, miro rai, me lom man khetne, te rakrap tuha, kai me tchik un tchi moldo hom.

1. Mose 32:10

Un o Jakob penas ap o Debleste: “Tu, o Dewel miro papestar Abraham un miro dadestar Isaak, tu hal o baro Dewel, kai penal ap mande: ‘Dja pale an tiro them un pash tire menshende. Me krau tuke latchepen.’

2. Samuel 24:10

Un o Davideskro dji djas sikeder har job kol tsele murshen an i liil pre-tchinas. Un o David penas ap o baro Debleste: “Kowa his i bari doosh, hoi anom ap mande. Me krom i tchilatcho koowa. Un kanna mangau tut, baro Dewel, le mange koi doosh krik!”

1. Rajengro liil 19:4

Un job djas i diwes dur an o mulo them. Un kote beshas lo pes tel i burra, un kamas te merell un penas: “Kanna hi doha, baro Dewel. Muk man te merell! Me hom gar feteder har mire phure.”

Esra 9:15

Baro Dewel, tu o Israeleskro Dewel, hal an o tchatchepen tardo un lal men, kai pral atcham, win dran o merepen, jaake har kau diwes hi. Dik, kate ham glan tute an mari doosh, un djinah, mer nai atchah gar tardo glan tute!”

Esra 9:6

un penom: “Miro Dewel, me ladjau un trashau man, te hadap mire jaka pral pash tute, miro Dewel; mari doosh was pral maro shero, un maro tchilatchepen hi baro bis pral an o bolepen.

Nehemia 9:33

Tu hal an o tchatchepen tardo, har anal kowa lauter pral mende. Kowa, hoi tu kral, his mishto, ninna te djiwam mer jaake, har te wals men kek Dewel.

Hiob 16:21

Jaake har i mensho peskro maleske mishto rakrell, kamoms te rakrell jek mange mishto glan o Debleste.

Hiob 21:5

Dikenn ap mande! Un tumer krenn bare jaka i trashatar, un tchiwenn tumaro wast glan o mui!

Hiob 29:9

I pralstune rikran pengre laba pale, un tchiwan pengro wast ap o mui.

Hiob 31:37

Me penaus leske hako koowa, hoi krom an miro djipen, un har i rai waus me glan leste.

Hiob 37:19

Pen tu menge, hoi penas mer leske? Mer djinah tchi. Un men hi tchi, te anas glan leste!

Hiob 40:3

Un o Hiob penas ap o baro Debleste:

Hiob 42:6

Doleske lau pale, hoi rakrom un hom beshdo an i tchik un an i jagakri tchik, te sikrap, kai khaitell man kowa, hoi rakrom.

Debleskri gili 39:9

te less man win dran miri tseli doosh! Ma muk i dinelen pral mande te sal!

Gosewe laba 30:32

Te hals jaake dinelo, te hadal tut pre, un lal tut tchilatcho koowa glan, atch un tchip o wast ap tiro mui!

Jesaja 53:6

Mer halauter hams har bakre, kai nashan pen. Hakeno djas ap peskro drom. O baro Dewel mukas ap leste mari tseli doosh te perell.

Jesaja 6:5

Un me penom: “Kanna hunte merap! Me hom i mursh, dran koleskro mui sawo rakepen djas, te nai wau me gar glan o Debleste. Un me djiwau mank menshende, dran kolengre muja ninna sawo rakepen djal. Un mire jakentsa dikom o baro rajes, les, o baro Debles, kai hi o rai pral o bolepen un i phub.”

Jesaja 64:6

Un koi hi kek, kai tiro lab an-gole dell, kek, kai well pash tute, te rikrell lo pes ap tute. Tchatchepah, tu kameh buder tchi mendar te djinell, un mukeh men tapedo an maro tchilatchepen.

Ropaskre gilja 3:29

Peskro mui mu tchiwell lo tele an i tchik, Nai well i tsiro, kai djal leske pale feteder.

Ezekiel 16:63

Me lau tiri tseli doosh tutar krik, hoi ap tute anal. Te well tuke palle tiro phuro djipen an o shero, ladjeh tu, un nai kreh tiro mui buder gar pre i ladjatar. Kawa penau me, o baro Dewel, tiro rai.

Daniel 9:5

Mer anam bari doosh ap mende, kram, hoi gar mishto hi, atcham gar tuha un mukam tiro drom. Mer djiwam gar pal tire laba un pal tiro tchatchepen.

Daniel 9:7

Tu, rai, hal an o tchatchepen. Un mer hunte ladjas men, mer, kai wah dran o them Juda un dran o foro Jerusalem, ninna dran o tselo them Israel. Mer kram tchilatcho koowa ap tute. Doleske tradal men an wawar themma, kai dur hi un kai gar jaake dur hi, te djiwas buder gar khetne.

3. Mose 13:12

Te phagell i nasslepen ap i tseli hauta win, fun leskro shero bis pash leskre pire, un halauter hi parno, hoi o rashai nai dikell, palle hi ko nasslepen tchomone, hoi ko menshes gar pale-tchiddo krell. Un o rashai rakrell win, te hi kowa erligo.

Micha 7:16

te dikenn kolla an i wawar themma, hoi menge kreh, un hunte ladjenn pen an pengri tseli soor. Lenge atchell o rakepen krik, un jon kamenn buder tchi te shunell.

Habakuk 2:20

O baro Dewel hi an peskro kheer, kai job djiwell. Ma rakrenn tchi glan leste, tumer menshe ap i tseli phub!

Zakarie 2:13

Denn garda! Me dau len trad miro wasteha, te wenn le tchoredo kolendar, kai hunte budran lenge.” Palle dikenn tumer, kai o baro Dewel, ko rai pral o bolepen un i phub, kowa hi, kai bitchras man.

Louka 18:13

Ko pale-tchiddo atchas palla tardo, un hadas gar peskro shero pre. Un job das ap peskro betch, te sikrell lo, kai leskro tchilatcho koowa khaitas les, un penas: Miro Dewel, me hom i tchilatcho mursh. Dik ap mande un ab mange latcho!”

Louka 5:8

Har o Simon Petro kowa dikas, peras lo glan o Jesuseste tele ap i phub, un penas: “Dja tuke mandar, miro rai! Me hom i mursh, ap kaleste doosh hi.”

1. Timoteo 1:15

Hi tchatcho, hoi kanna penau. Un tumer nai patsenn man: Maro rai, o Jesus Kristo, was ap kai phub, te anell lo kolen ap o drom pash o Debleste, kai dur lestar an o tchilatchepen djiwenna. Kolendar hom me o djungleder.

Čačepangre 18:19

Un jon penan ap leste: “Atch, rig tiro mui, un ab mentsa! Un ab maro rashai un pen menge, hoi o dewel mendar kamella! Hi tuke gar feteder te wess rashai i bari familjake an Israel, har te wess rashai an o kheer jek mursheske?”