Hiob 40:11 - O Debleskro Drom 2021 (Sinte)

¹¹ Tchore tiri tseli choli win, dik ap lauterende, kai pre-phurdo hi, un witse len tele!

O Debleskro Lab 2024 (Sinte-Manouche)

¹¹ Čore tiri tseli rholi vin, dik ap lauterende, kay pre-phourdo hi, oun vitse len tele!

Hiob 40:11 ပူးပေါင်းရင်းမြစ်များ

Hiob 20:23

Ap ko tsiro, kai krell lo peskro per pherdo, bitchrell o Dewel peskri soreli choli ap leste, un mukell lat har brishin tele ap leste te perell.

Hiob 21:30

Ap ko diwes, kai well i bibacht, kai well o Debleskri choli pral i menshende, atchell o tchilatcho djido.

Hiob 27:22

Ko ducho phurdell ap leste peskri tseli sorjah, un mukell gar tele. Un ko mensho marell pes tele, te nashell lo peske glan leskri soor.

Hiob 4:9

O Dewel phurdell ap lende, un jon merenn. Leskri choljakro ducho marell len.

Hiob 9:5

O Dewel tchiwell i berge jek rigjatar ap i wawar, glan te haiwenn le kowa. An peskri choli witsrell lo len trujel.

Debleskri gili 144:6

Bitche tiri jag, hoi ap o bolepen pral un tele djal! De tire faile karje ap kolende, kai ap mande djan!

Debleskri gili 94:2

Tu hal o tchatchepaskro rai pral i tseli phub, de kol pre-phurden pengri phagi!

2. Mose 15:6

Tu, mo baro Dewel, har sorelo hi tiro tchatcho wast! Tu, baro Dewel, tiro tchatcho wasteha dal tu kolen an kotja, kai kuran pen tuha.

2. Mose 18:11

Kanna haiwom, te hi o baro Dewel bareder har hako wawar dewel. Job las i Israelitarja win dran o wast i Egiptarendar, kai kran pen bares pral lende.”

Jesaja 2:17

Palle well lenge kowa krik lino, koleha i menshe phurdan pen pre. Un lengro sharepen atchell gar. Ap ko diwes hi kokres o baro Dewel o Dewel pral halauter.

Jesaja 22:19

Un me tradau tut dran tiri budi, un tserdau tut tele dran tiri pralstuni platsa.

Jesaja 23:9

O baro Dewel, ko rai pral o bolepen un i phub penas, te well kowa jaake. Job kamas lenge ko tselo railepen krik te lell, koleha jon pen jaake bares kran, un kamas i an-dikle murshen ap i phub tiknes te krell.

Jesaja 25:11

Ninna te hadenn le pengre wasta un krenn len buchles har i shwimari, djan le tele, un ninna kowa, hoi le pengre wastentsa kran. Jaake krell o baro Dewel len tiknes.

Jesaja 26:5

I pre-phurden witsrell lo ap i phub, Lengro foro phagell lo tele, bis te hi lo tchiddo an i tchik.

Jesaja 42:25

Kote mukas lo peskri bari choli pral mende te well, un mukas men an i sorelo kurepen te well. Leskri choli his trul mende trujel har i jag, un mer haiwam kowa gar. Ninna har chatchras men leskri choli, lam kowa gar an mare djia.

Jeremia 48:29

An hako tsiro was penlo pral o them Moab, har pre-phurdo job hi, un hawo sharedo job hi, har rikrell lo bud pestar, hawo baro mujeskro job hi, un har dikell lo tele ap i wawarende!

Ezekiel 28:2

Tu mensho, pen ap o rajeste pral o foro Tirus: Kawa penell o baro Dewel, maro rai: Tiro dji hadas pes un penas: “Me hom i dewel! Un hom beshdo ap i debleskri beshepaskri mashkral dren an baro pani!” Ninna te kreh, har te wals i dewel, hal tchi har i mensho!

Daniel 4:24

Doleske, miro baro rai, muk o tchilatcho kowa, un an buder kek doosh ap tute! Un dja an o tchatchepen, un kre latchepen ap i tchorwelende! Palle djal tuke mishto i rah tsiro.”

Nahum 1:6

Koon nai atchell tardo glan leskri choli? Koon nai atchell djido, te well lo chojedo? Leskri choli chatchell har i jag. Ninna i berge phagenn an kotja glan leste.

Nahum 1:8

I baro sorelo panjeha khossell lo o foro krik kolendar, kai hadan pen pral leste. Un an i kali rat tradell lo len.

Louka 18:14

Un o Jesus penas: “Me penau tumenge: O Dewel dikas ap kaleste, un his leske latcho un gar ko wawareske. Kowa, kai pes bares krella, koles sharell o Dewel gar. Un kowa, kai pes gar bares krella, koles krell o Dewel bares.”

5. Mose 32:22

Miri choli chatchell pre har i jag, un chatchrell i tseli phub, un halauter, hoi ap late bares was, un chatchell tele bis an o telstunepen, un well bis tele pash i berge.

Jakobo 4:6

Un ninna budeder latchepen kamell men o Dewel te dell. An o Debleskro lab hi tchinlo: Kolla, kai krenn pen bares, kolen bitchrell job pestar. Un kolen, kai krenn pen gar bares, kolen dell job bud latchepen.