Hiob 4:8 - O Debleskro Drom 2021 (Sinte)

⁸ Jaake har me les dikom, well tchilatchepen pral kolende, kai tchilatchepen kran, un bibacht pral kolende, kai bibacht ap wawarende anan.

O Debleskro Lab 2024 (Sinte-Manouche)

⁸ Yaake har me les dikom, vell čilačepen pral kolende, kay čilačepen kran, oun bibarht pral kolende, kay bibarht ap vavarende anan.

Hiob 4:8 ပူးပေါင်းရင်းမြစ်များ

Hiob 15:31

Koon rikrell pes ap tchomone, hoi tchi moldo hi, kowa chochell pes kokres. un lell pale, hoi tchi moldo hi.

Hiob 15:35

An lengre sherja hi midjak koowa. Pral pende un i wawarende anenn le bibacht. Un lengre djia hi pherdo phukepen.

Gosewe laba 1:31

Doleske hunte chan le, hoi ap lengre dromma bares was. un wenn tchalo kolestar, hoi an lengre sherja trujel djas.

Gosewe laba 22:8

Kowa, kai chochepen win witsrell har djob, kowa anell bibacht dren. Palle nai djal lo buder gar i wawarentsa jaake trujel har job kamell.

Jesaja 17:11

hoi sik pre djan un senelo wan, wenn ap lende kek newe drake bares. Un tu nai aneh tchi dren. Kowa, hoi tuke well, hi nasslepen un duka, hoi kek nai krik lell.

Jeremia 4:18

Hoi tumer kran un har djiwan, anas tumenge kowa dren. Kowa well dran tumaro tchilatchepen, te djal tumenge jaake djungelo, un djal tumenge an tumaro dji.

Hosea 8:7

Kowa, hoi le krenn, hi har te tchiwans le i ducho an i phub un kek djob. Un hoi win well, hi i baro phurdepen. Kek djob well baro. Kowa hoi pre djal, anell kek jarro. Un te anals kowa jarro, wans wawar menshe un chans les pre.

2. Korintarja 9:6

Kowa hi jaake har pash i hacho: Koon tchiwell gar bud djob an i phub, kowa lell witar gar bud dran i phub win. Un koon tchiwell bud an i phub, kowa lell bud dran i phub win.