Hiob 4:6 - O Debleskro Drom 2021 (Sinte)

⁶ Tu rikreh tuke o Debles glan i jaka pash halauter, hoi kreh, un djah o tchatcho drom. Doleske nai leh newi soor, un patseh, te well lauter pale mishto tuke.

O Debleskro Lab 2024 (Sinte-Manouche)

⁶ Tou rikreh touke o Debles glan i yaka pash halauter, hoy kreh, oun djah o čačo drom. Doleske nay leh nevi zoor, oun patseh, te vell lauter pale mishto touke.

Hiob 4:6 ပူးပေါင်းရင်းမြစ်များ

2. Rajengro liil 20:3

“Ach, baro Dewel, mangau tut, biste gar, kai djiwom glan tute an o tchatchepen un i djudjo djijeha un krom, hoi mishto hi glan tire jaka.” Un o Hiskija rowas i baro ropen glan leste.

Hiob 1:1

An o them Uz djiwas i mursh, kowa kharas Hiob. Job his an o tchatchepen tardo, un kek doosh his ap leste. Job mangas o Debles an, un rikras pes dur krik o tchilatchepastar.

Hiob 13:15

Mu marell lo man, man hi tchi te nashrell. Me djom tchatche dromma; un kowa kamau me leske an o mui te penell.

Hiob 16:17

Jaake hi kowa, ninna te krom kek tchilatchepen, un mangom miro Debles i djudjo djijeha an.

Hiob 17:15

Ap hawo wawar koowa dikap? Koon dikell latchepen mange te well?

Debleskri gili 26:1

I gili o Davidestar. Baro Dewel, de man miro tchatchepen! Kek doosh hi ap mande. Un me patsau tut, mo baro Debles, un perom gar tutar tele.

Debleskri gili 27:3

Ninna te wenn bud lurde trul mande trujel, taprell miro dji kek daar. Ninna te djan le an o kurepen khatar mande, hom me pherdo patsepen ap miro baro Debleste.

Gosewe laba 14:26

Kowa, kai djiwell o baro Debleha, koles hi soor an o dji. Ninna pral leskre tchawende rikrell o baro Dewel peskre wasta.

Gosewe laba 3:26

O baro Dewel hi pash tute. Job dell jak ap tute, te stakress gar an i khatede dorja, hoi kamenn tut te taprell.

Jesaja 33:6

Un tumer menshe an Jerusalem, tumenge well i tsiro, kai hunte darenn tchi. Bud bacht un goswepen well tumenge. Tumer djinenn, hoi tumenge mishto un gar mishto hi, un djiwenn o baro Debleha. Job hi tumaro bareder brawlepen.

1. Petro 1:13

Doleske awenn gar khino an tumare djia, un denn garda, te atchenn ap o Debleskro drom! Dikenn ap ko baro latchepen, hoi o Dewel dell tumen ap ko diwes, kai well o Jesus Kristo pale.

1. Petro 1:17

O Dewel hi o tchatchepaskro rai, kai rakrell o tchatchepen win pral hakeneste pal kowa, hoi job kras. Un o Dewel dikell gar koi pre, koon ko mensho hi. Ap leste penenn tumer: “Tata!” Doleske djiwenn jaake, har job kowa kamella, jaake rah har tumer kate ap i phub djiwenna.