Hiob 4:3 - O Debleskro Drom 2021 (Sinte)

³ Tu sikral bud menshen o tchatcho drom, un kral khine wasta pale soreles.

O Debleskro Lab 2024 (Sinte-Manouche)

³ Tou sikral boud menshen o čačo drom, oun kral khine vasta pale zoreles.

Hiob 4:3 ပူးပေါင်းရင်းမြစ်များ

1. Mose 18:19

Me rodom les mange win, te penell lo peskre tchawenge un kolenge, kai pal leste wenna, te rikrenn pen le ap miro drom un krenn, hoi mishto un tchatcho hi, te nai mukap me halauter ap o Abrahameste te well, hoi me leske penom.”

Esra 6:22

Un jon lauter rikran kol bare diwessa, kai chan le efta diwessa maro, kai kek shutlo jarro dren hi. Halauterenge his i gipaskro tsiro. O baro Dewel das len bachtele djia un kras, te dikas o rai pral o them Assur kamles ap lende. Jaake wan lengre wasta soreles, te nai kran le o kheer o Israeleskro Debleske.

Hiob 16:5

Bud labentsa doms tumenge pale newi soor. Un kowa, hoi penoms, krals tumari duk tikneder.

Hiob 29:11

Hakeno, kai shunas man, sharas man. Un koon man dikas, rakras latcho koowa pral mande.

Hiob 29:15

O koreleske homs me har i jak, un i heri koleske, kai nai nashell gar.

Hiob 29:16

O tchorweleske homs me har i dad, un lom koleskro koowa an o wast, kai i wi-themari his.

Hiob 29:21

Jon shunan, hoi man penepaske his. Un rakran tchi, bis te penom lenge, hoi te krenn le.

Hiob 4:4

Tire laba hadan koles pale pre, kai peras. Tu kral kol herja pale soreles, hoi trissan.

Gosewe laba 10:21

O rakepen kolestar, kai an o tchatchepen tardo hi, dell bud menshen newi soor. Kolen tchi an o shero hi, kolla merenn dran ko dinelo koowa, hoi le kran.

Gosewe laba 15:7

I gosewengro rakepen sikrell i wawarende, hoi lenge mishto hi. Kowa, hoi i dinelen an o shero hi, hi tchi moldo.

Gosewe laba 16:21

Kowa kai haiwell, hoi mishto un gar mishto hi, kowa well kharedo ‘gosewo mursh’. Un jek, kai latche laba hatsell, hi i latcho sikepaskro.

Jesaja 35:3

Krenn pale soreles tumare khine wasta, un tumare herja, hoi jaake trissenn.

Jesaja 50:4

O baro Dewel, miro rai, das man i tchip har i siklen jek hi, te djinap, har te rakrap latches kolentsa, kai khino hi. Taissarlakro djangrell lo mire kanna pre, te shunap har jek, hoi lestar siklo well.

Ezekiel 13:22

Tumare chochene labentsa dukran i djia kolendar, kai an o tchatchepen djiwenn, un kolenge kamom kek daar te krell. Un tumer kran i wasta kolendar sorelo, kai tchilatcho koowa krenn. Jaake kran tumer, te djan le gar tele lengro tchilatcho dromestar, te atchenn le djido.

Zefanja 3:16

An ko tsiro well penlo ap i menshende an o foro Jerusalem: Ma trashenn tumen, tumer an Jerusalem! Ma mukenn tumare wasta tele te perell!

Louka 22:32

Me mangom tuke pash mo Debleste, te djas tu gar o Debleskro dromestar tele. Un te djah tu pale ap o tchatcho drom, kre tire phralen soreles an o patsepen!”

Louka 22:43

Un i Debleskro bolepaskro was pash leste dran o bolepen un das les soor.

Efesarja 4:29

Rakrenn kek tchilatche un djungele laba! Kowa, hoi tumer penenna, hunte well latches kolenge, kai shunenna, te lenn le newi soor an pengro djipen.

5. Mose 3:28

Un pen ap o Josua: ‘Ma traash, ab soreles!’ Job hi kowa, kai djal glan i Israelitarjen wergel o pani Jordan, un anell len dren an ko them, hoi tu dikeh, te lenn le les penge dren.”

Kolossarja 4:6

Rakrenn lentsa kamles, un trashenn gar, te penenn o tchatchepen! Jek te putchell tumendar tchomone pral tumaro patsepen, palle rakrenn leha jaake, har kowa koleske mishto hi.

Hebrearja 12:12

Doleske awenn pale soreles! Hadenn tumare wasta pale pre, hoi khino wan! Krenn tumare herja pale soreles, an lende buder kek soor hi!