Hiob 39:25 - O Debleskro Drom 2021 (Sinte)

²⁵ Hako kopo, kai shunell lo i phurdepaskri, dell lo pre gole: Hui-i! Un sungell o kurepen fun dural – koi kurepaskri gole i lurdendar un lengre pralstunendar.

O Debleskro Lab 2024 (Sinte-Manouche)

²⁵ Hako kopo, kay shounell lo i phourdepaskri, dell lo pre gole: Houi! Oun soungell o kourepen foun doural – koy kourepaskri gole i lourdendar oun lengre pralstunendar.

Hiob 39:25 ပူးပေါင်းရင်းမြစ်များ

Hiob 39:24

Te shunell o grai i phurdepaskri, witsrell lo pes bari sorjah glan, un mukell pes gar tele te rikrell.

Hiob 39:26

Sikral tu o baro tchirkles, har djal lo dur pre an o bolepen, un har te krell lo peskre mussja buchlo un djal kote, kai o kham pralstunes tardo hi?

Debleskri gili 70:3

Praassepen un ladj mu well ap kolende, kai kamenn man te marell! Kre, te djal kolenge gar, hoi jon penge glan lan, kai kamenn mange tchilatchepen. Kre, te sanenn i wawar pral lende!

Ezekiel 26:2

Tu, mensho, kol menshe dran o foro Tirus san un penenn pral o foro Jerusalem: Tele phagedo hi ko foro, kolestar bud parepangre win djan an wawar themma parepaske. Kanna ham mer kolla, kai wenn brawelo. O forestar Jerusalem atchas tchi har barra pral!

Ezekiel 36:2

Kawa penell o baro Dewel, maro rai: Kolla, kai chojedo pral tumende hi, san pral tumende un penenn: Haha! Kal berge, kai his hako tsiro koi, wan kanna menge!

Zakarie 10:3

O baro Dewel penell: Me hom chojedo pral i bakrengre, kai rikrenn mire bakren tele. Ninna ap i sorele mursh bakre djau me pre. Me, o baro Dewel, ko rai pral o bolepen un i phub, hom har i bakrengro. Un o kheer Juda hi mire bakre. Ap lende dau jak. Me krau, te wenn le har i sorelo kurepaskro grai, koleha an o kurepen djau.