Hiob 39:21 - O Debleskro Drom 2021 (Sinte)

²¹ O grai stakrell peskre herjentsa an i phub, un hi bachteles pral peskri soor, te nashell lo an o kurepen.

O Debleskro Lab 2024 (Sinte-Manouche)

²¹ O gray stakrell peskre heryentsa an i phoub, oun hi barhteles pral peskri zoor, te nashell lo an o kourepen.

Hiob 39:21 ပူးပေါင်းရင်းမြစ်များ

Hiob 39:22

O grai prindjrell kek daar, un lell kek traash, un djal glan o charo gar pale.

Debleskri gili 19:5

Lengro rakepen djal an hako them, un well shunlo ap i tseli phub. O Dewel kras i kheer o khameske an o bolepen.

Gosewe laba 21:31

Tu nai leh i kurepaskro grai un djah an o marepen. Kowa, kai krell, te wess o sorleder, hi o baro Dewel.

Jeremia 8:6

Me dikau un shunau, kai rakrenn jon gar o tchatchepen. Koi hi kek, kai khaitell les hawo tchilatchepen job kras. Kek putchella: Hoi krom me? Hakeno nashella dureder ap peskro drom, har i grai an o kurepen.

Jeremia 9:23

Koon kamell pes te sharell, kowa te sharell pes, kai job prindjrell man, un te haiwell job, kai me o baro Dewel hom. Me krau miro dji pre i menshenge, un krau, hoi tchatcho un mishto hi ap i phub. Sawo koowa hi mishto glan mire jaka. Kowa penau me, o baro Dewel.

Čačepangre 5:22

Kote nashan i graja sikeder. Klak-klak, klak-klak, shunenn koi bari gole, hoi lengre pire kran!

1. Samuel 17:42

Un har o Goliat gomme i kotar krik his, dikas lo, te his o David i terno mursh lole tchamentsa un shukar. Un glan leskre jaka his o David har tchik.