Hiob 38:4 - O Debleskro Drom 2021 (Sinte)

⁴ Kai hals tu, har me i phub krom? Pen les mange, te djineh les tu?

O Debleskro Lab 2024 (Sinte-Manouche)

⁴ Kay hals tou, har me i phoub krom? Pen les mange, te djineh les tou?

Hiob 38:4 ပူးပေါင်းရင်းမြစ်များ

1. Mose 1:1

Glan i rah rah tsiro kras o Dewel o bolepen un i phub.

1. Mose 2:4

Kowa hi ko liil, kai tchinlo hi, har o bolepen un i phub kerdo wan.

Hiob 15:7

Hal tu o ersto mensho, kai boldo was? Hals tu koi, har kras o Dewel i berge?

Hiob 28:25

Har job o ducho peskri soor das, har lo penas, bis kai ko baro pani nai djal,

Hiob 34:13

Koon his, koon les i phub an leskre wasta das? Kek! Job kras i phub. Kek hi pral leste tardo.

Debleskri gili 102:25

Me penom: Mo Dewel, le man gar krik ap o paash drom miro djipastar! Tiro djipen herell gar pre, an kek tsiro.

Debleskri gili 102:26

Tu kral i phub glan rah tsirja, un tire wasta kran o bolepen.

Debleskri gili 104:5

Tu tchiwal i phub soreles tardo, te atchell li tardo hako tsireske.

Gosewe laba 3:19

O baro Dewel kras i phub o goswepah, un o bolepen jaake, har job djinas, kai kowa mishto his.

Gosewe laba 30:4

Koon djas pre an o bolepen un pale tele? Koon las o phurdepen an peskre wasta? Koon pandas i tsele panja an i baja? Koon penas, har dur i phub te djal? Har kharell lo? Har kharell leskro tchawo? Djineh tu kowa?

Gosewe laba 8:22

O baro Dewel kras man glan i rah tsiro. Glan hako wawar koowa kras lo man.

Jesaja 40:14

Kekestar putchas job goswepen, te haiwell lo, hoi mishto hi. Kek sikras les, har te krell lo o tchatchepen win. Kek sikras les, har te djinell lo kau tselo koowa, un haiwell lauter mishto.

Jeremia 10:12

Job, o baro Dewel, kras i phub peskri sorjah. Dran peskro goswepen tchiwas lo i phub soreles tardo, un kras o bolepen koi pral.

Amos 4:13

O Dewel hi kowa, kai kras i berge, un mukell o phurdepen pral i phub te djal. Job sikrell i menshende, hoi kamell lo te krell. Job mukell o kham pre un tele te djal. Job hi o rai pral i tseli phub. Leskro lab hi: Baro Dewel, rai pral o bolepen un i phub.

Hebrearja 1:10

Pale penas lo ap leste: Tu hal o baro rai, un kral i phub glan i rah tsiro. Un tire wasta kran o bolepen.

Hebrearja 1:2

Kanna, an kau tsiro, bitchras lo peskro tchawes pash mende, te rakras job ap mende. Koleste das o Dewel lauter an leskre wasta, te well job o rai pral lauter. Koleha kras lo o bolepen un i phub.

1. Samuel 2:8

Koles, kai les tchi hi, hadell lo dran i tchik, un o tchorweles hidjrell lo pre dran i jagakri tchik, un beshell les pash i pralstunende, un krell les an-diklo. I tseli phub hi o baro Debleske. Job tchiwas lat soreles tardo.