Hiob 38:36 - O Debleskro Drom 2021 (Sinte)

³⁶ Koon tchiwas o goswepen kote, kai lo khatedo hi? Un koon krell, te nai haiwell i mensho tchomone?

O Debleskro Lab 2024 (Sinte-Manouche)

³⁶ Koon čivas o gosvepen kote, kay lo khatedo hi? Oun koon krell, te nay hayvell i mensho čomone?

Hiob 38:36 ပူးပေါင်းရင်းမြစ်များ

Hiob 12:13

O Debles hi goswepen un ninna soor. Job haiwell halauter, un nai penell, hoi te well kerdo.

Hiob 32:8

Hi tchatcho, kowa, hoi krell i menshes gosewo, hi o ducho o sorelo Deblestar, koles job an i mensheste dren tchiwas.

Hiob 9:4

O Dewel hi gosewo an peskro dji un les hi bari soor. Kekeske, kai las pes glan te tchingrell lo leha, djas kowa mishto.

Debleskri gili 51:6

Ap tute kokres krom, hoi tchilatcho hi. Awa me krom, hoi midjak hi glan tire jaka. Doleske hi tut tchatches an tiro rakepen. Tu kreh o tchatchepen, te deh man i phagi.

2. Mose 31:3

Me tchiwom miro ducho an leste, un dom les goswepen un wasta, hoi haiwenn mishto te budrell,

Gosewe laba 2:6

O baro Dewel hi kowa, kai dell goswepen. Lestar well, te djinell un haiwell i mensho bud koowa.

Sikepaskro 2:26

Kol menshe, kai djiwenn jaake har glan o Debleste mishto hi, kolla lenna lestar goswepen un bacht an o dji. Kolla, kai djan o Debleskro dromestar tele, kolen mukell lo te budrell un brawlepen khetne anell, hoi pal i tsiro i wawareske well, jekeske, kai djiwell jaake har glan o Debleste mishto hi. Palle his leskri tseli budi tchitcheske, un jaake har te nashals lo pal o ducho, hoi djal pral i phub.

Jesaja 28:26

Un har job kowa hunte krell, sikras les o Dewel, kowa hoi job djinell, well lestar.

Jakobo 1:17

Lauter, hoi hi mishto un latcho, wella o Deblestar an o bolepen. Job kras o kham un o tchon un i bolepangre momlia. Kolla krenn, te well diwes un rat, un jon wenn jek tsiro diklo un i wawar tsiro gar diklo. O Dewel hi gar jaake. Job atchell, har job hi.

Jakobo 1:5

Te djinell jek tumendar gar, hoi o Dewel lestar kamella, palle nai mangell lo o Debles, te sikrell job leste kowa. O Dewel hi latcho, un job dell o djijestar, ninna te weh tu bud kope pash leste.