Hiob 38:35 - O Debleskro Drom 2021 (Sinte)

³⁵ Bitchreh tu o bolepaskri jag tele ap i phub, un putchell koja tutar: Kai kameh, te dap pre te tele karje?

O Debleskro Lab 2024 (Sinte-Manouche)

³⁵ Bičreh tou o bolepaskri yag tele ap i phoub, oun poučell koya toutar: Kay kameh, te dap pre te tele karye?

Hiob 38:35 ပူးပေါင်းရင်းမြစ်များ

2. Rajengro liil 1:10

O Elija penas ap ko pralstuno lurdeste: “Te hom me i Debleskro mursh, jaake mu perell jag dran o bolepen un chal tut un tire paash-sheel lurden pre.” Koi peras jag dran o bolepen un chas les un kol paash-sheel murshen pre.

2. Rajengro liil 1:14

Tu djineh, jag peras dran o bolepen un chatchras kol dui pralstunen pre pengre lurdentsa, kai wan glan mande pash tute. Kanna muk man ap o djipen, te djal mange gar har lenge!”

Hiob 36:32

An leskro wast rikrell lo koi jag, un mukell lat kote karje te dell, kai job kamell.

Hiob 37:3

Tel o tselo bolepen mukell lo koi jag karje te dell, un koja djal pral i tseli phub jek rigjatar ap i wawar.

2. Mose 9:29

O Mose penas leske: “Jaake sik har djom dran o foro win, kamau mire wasta pre te hadell ap o baro Debleste. Palle dell o bolepen buder kek gole, un kek barrengro brishin perell buder, te dikess un haiwess, te hi i phub o baro Debleske.

Jesaja 6:8

Un me shunom, har o baro Dewel, maro rai putchas: “Kones bitchrap, un koon rakrell mange?” Kote penom me: “Kate hom, bitche man!”

Jesaja 65:1

O baro Dewel penell: Me homs koi, te rodenn le man. Un jon putchan gar pal mande. Me homs koi, te hatsenn le man. Un jon rodan man gar. Me penom: Kate hom! Kate hom! ap menshende, kai man gar an-gole dan.

3. Mose 10:2

Kote djas jag o baro Deblestar win, un chatchras len pre. Jon meran kote glan o baro Debleste.

4. Mose 11:1

Un kol menshe penan glan o baro Debleskre kanda, kai lenge djungeles djala. Un har o baro Dewel kowa shunas, was job chojedo un bitchras i jag, hoi chatchras win ap i platsa, kai lengre plachtene khera his.

4. Mose 16:35

Un o baro Dewel bitchras jag, kai chas kol 250 (dui-sheel-te-paash-sheel) murshen pre, kai anan ko sungepaskro koowa o Debleske.

1. Samuel 22:12

Un o Saul penas: “Shun, Ahimelech!” Un job penas: “Kate hom, miro rai!”