Hiob 38:3 - O Debleskro Drom 2021 (Sinte)

³ Kanna ste pre har i mursh! Un me putchau tutar. Un tu peneh mange, hoi kamau te djinell.

O Debleskro Lab 2024 (Sinte-Manouche)

³ Kanna ste pre har i morsh! Oun me poučau toutar. Oun tou peneh mange, hoy kamau te djinell.

Hiob 38:3 ပူးပေါင်းရင်းမြစ်များ

1. Rajengro liil 18:46

Un o baro Debleskri soor was ap o Elija, un job pandas i pereskri dori trul peskro ripen un nashas glan o Ahab, bis te wan le an o foro Jesreel.

Hiob 13:15

Mu marell lo man, man hi tchi te nashrell. Me djom tchatche dromma; un kowa kamau me leske an o mui te penell.

Hiob 13:22

Palle de ap mande gole, un me dau pale gole. Oder muk man tut te putchell, un tu peneh mange pale!

Hiob 21:22

Nai penell i mensho o Debleske, har tchomone hunte well – leske, kai hi o tchatchepaskro rai pral halauterende, ninna pral i pralstunende?

Hiob 40:2

Tu kameh tut mantsa te tchingrell – mantsa, kai o sorelo Dewel hom? Tu, kai doosh ap mande hatsal, un mange penal, hoi gar mishto krom, pen kanna tchomone kai pre!

Hiob 40:7

Kanna ste pre har i mursh! Un me putchau tutar. Un tu peneh mange, hoi kamau te djinell.

Hiob 42:4

Shun, penal tu, me putchau tutar. Un tu peneh mange, hoi kamau te djinell.

2. Mose 12:11

Jaake hunte chan les: trul tumaro per i dori pandlo, i kircha ap tumare herja, un i kasht an tumaro wast. Chan o chapen sik! Ko chapen kharell Passa. Tumer chan les, te sharenn man, tumaro baro Debles.

Gosewe laba 31:17

Joi budrell phares un krell peskre mussja soreles.

Jeremia 1:17

Ab soreles! Un kre tut ap o drom! Un pen lenge halauter, hoi me tuke penau! Ma traash lendar, te krap me gar, te trashess tu glan lende!

1. Petro 1:13

Doleske awenn gar khino an tumare djia, un denn garda, te atchenn ap o Debleskro drom! Dikenn ap ko baro latchepen, hoi o Dewel dell tumen ap ko diwes, kai well o Jesus Kristo pale.