Hiob 38:28 - O Debleskro Drom 2021 (Sinte)

²⁸ Hi o brishin har i mensho, koles i dad hi? Un ko pani, hoi haki tsalla ap o senlepen tchiddo hi, hi koles i dad?

O Debleskro Lab 2024 (Sinte-Manouche)

²⁸ Hi o brishin har i mensho, koles i dad hi? Oun ko pani, hoy haki tsalla ap o zenlepen čiddo hi, hi koles i dad?

Hiob 38:28 ပူးပေါင်းရင်းမြစ်များ

1. Mose 27:28

Mu dell tut o Dewel brishin dran o bolepen un bud chapaske dran i phub, bud djob un mool.

1. Mose 27:39

Koi penas leskro dad Isaak ap leste: Shun, kote, kai djiweh, dell o bolepen kek brishin, witar gar anell i phub bud chapaske.

2. Samuel 1:21

Tumer berge Gilboa: Kek sapanepen un kek brishin te well ap tumende! Kek djob te well baro ap tumari phub! Kol shilte mare tchatche murshendar hi kote tchiddo. Awa, o Sauleskro shilto hi buder gar dren maklo o djeteha.

1. Rajengro liil 17:1

O Elija dran o gab Tishbe an o them Gilead penas ap o Ahab: “Me penau tuke an o lab o baro Deblestar, kai o Israeleskro djido Dewel hi, glan koleste hom me tardo: An kol bersha, hoi kanna wenna, dell kek brishin, witar gar djal i sapeno ducho pre dran i phub, bis te penau me kowa.”

Hiob 29:19

Me homs har i ruk, koleskre draba djan bis pash o pani, un koleskre kashta wenn sapeno haki rat.

Hiob 36:27

Job tserdell o pani pre pash o bolepen, un lell les khetne, te well brishin,

Hiob 36:28

hoi tele perell dran o bolepen ap kol bud menshende.

Hiob 38:8

Har o baro pani win phagas dran i phub, koon pandas les dren, te djal lo gar pral o tselo them?

Debleskri gili 147:8

Job tchiwell wolke ap o bolepen, dell brishin ap i phub, mukell o senlepen bares te well ap i berge.

Gosewe laba 3:20

Leskri goswepah mukas lo pani te well dran i phub un brishin dran o bolepen.

Jeremia 10:13

Te dell job gole, well bud pani khetne an o bolepen; i wolke mukell job te well fun dural, un mukell jag pral un tele karje te dell an o brishin. Ninna o phurdepen well win dran peskro kheer.

Jeremia 14:22

Kek dewel, koles i menshe an wawar themma an-mangenna, nai bitchrell brishin! Witar gar dell o bolepen dran peste brishin! Na-a, maro baro Dewel, tu hal kowa, kai krell sawo koowa. Doleske dikah ap tute.

Jeremia 5:24

An pengro dji penenn le gar: Mer te dikas pre ap maro baro Debleste! Job bitchrell menge o brishin an o tchatcho tsiro, brishin an o wend un brishin an i nijal, te well men o djob chapaske an ko tchatcho tsiro.

Hosea 14:5

Jaake penell o baro Dewel: Me anau mire menshen pale ap miro drom, kai le tele peran. Me kamau len o djijestar, un hom buder gar chojedo ap lende.

Joel 2:23

Un tumer menshe dran o foro Zion, awenn bachtelo, un giwenn pral kowa, hoi kras o baro Dewel. Job hi tumaro Dewel, un dell tumen doha brishin ap o tchatcho tsiro, har lo kras glan kowa,

Amos 4:7

Triin tchon glan kowa kai anan tumaro djob dren, rikrom o brishin pale. Un me dom brishin ap jek foro un gar ap i wawar. O brishin peras ap jek hachetikri phub, un koi wawar phub, kai kek brishin das, meras tele.

Mateo 5:45

Jaake han tumer tchatchepah tchawe o baro Deblestar, kai hi tumaro dad an o bolepen. Job mukella o kham pre te djal kol tchilatchenge un kol latchenge. Un job dell brishin ap kolende, kai pal o tchatchepen djiwenna, ninna ap kolende, kai tchilatcho koowa krenna.

5. Mose 33:13

Pral o kheer Josef penas lo: O baro Dewel hi latcho leske, un dell les doha brishin ap leskro them, un panja, hoi wenn dran i phub.

5. Mose 33:28

Un jaake nai djiwell o Israel kek darjah kote. Kek kamell tchingepen o Jakobeskre tchawentsa. An lengro them well djob un mool baro. Un o bolepen dell doha brishin.