Hiob 38:15 - O Debleskro Drom 2021 (Sinte)

¹⁵ Te well diwes, nai krenn i tchilatche buder kek tchilatcho koowa an o tamlepen, un nai dukrenn buder gar wawar menshen.

O Debleskro Lab 2024 (Sinte-Manouche)

¹⁵ Te vell dives, nay krenn i čilače bouder kek čilačo koova an o tamlepen, oun nay doukrenn bouder gar vavar menshen.

Hiob 38:15 ပူးပေါင်းရင်းမြစ်များ

2. Rajengro liil 6:18

Un har kol Syrarja tele pash lende wan, penas o Elisa ap o Debleste: “Baro Dewel, kre, te wenn kal menshe korelo!” Un o Dewel kras len korelo, jaake har o Elisa lestar kowa mangas.

Hiob 18:18

I phubjatar, kai i djide djiwenn, was lo tradedo an ko tamlo them, kai i mule hi.

Hiob 18:5

Na-a, o djipaskri momeli o tchilatchestar djal win. Un leskri jag chatchell buder gar.

Hiob 24:13

Tchilatche menshe kamenn gar o diwes, un djan gar ap dromma, ap kolende o kham perell. Sawe dromendar djan le tele.

Hiob 31:22

Te kroms me sau koowa, palle mu phagell miri mussi, un win tserdedo well dran miri phik!

Hiob 38:14

Te djal o kham pre, wenn i berge un tale mishto diklo. Un i phub hi tardo shukar an-rido.

Hiob 5:14

Pral o diwes mukell lo len an o tamlepen te nashell, un mashkral diwes dikenn le pengro drom gar, har te wals rati.

Hiob 5:15

O Dewel lell o tchorweles dran o tchilatcho rakepen win, un dran o wast o sorleder tserdell lo les win.

Debleskri gili 10:15

Phage i soor kol tchilatchendar un midjak menshendar, hoi len pral i wawarende hi! De len pengri phagi, te krenn le buder kek tchilatcho koowa!

Debleskri gili 37:17

Kolengri soor well phagedo. O baro Dewel rikrell kolen, kai an o tchatchepen tardo hi.

Gosewe laba 4:19

O drom kolendar, kai o tchilatchepen krenn, hi har i kali rat; jon nai dikenn gar, pral hoi jon perenn.

Jeremia 13:16

Hadenn tumaro baro Debles, jaake rah har o diwes hi, un tumen tumare pire gar an o tamlepen ap i berge dukrenna. Ninna te lurenn tumer ap koi momeli, anell o baro Dewel tamlepen un kali rat pral tumende.

Ezekiel 30:22

Un pale penas o baro Dewel, maro rai: Miri choli well ap o Farao, ko rajeste pral o them Egiptia. Me phagau leskre mussja, koi sasti mussi un koi phagedi, un krau, te hunte mukell lo o charo te perell.

4. Mose 15:30

Koon krell i tchilatcho koowa, un djinell, kowa hi tchilatcho, ko mensho praassas o baro Debles. Sawo mensho hunte well infam un nai djiwell buder gar mank peskre menshende. Kowa hi jek, koon job hi, – i Israelitari, – i wi-themari.