Hiob 37:5 - O Debleskro Drom 2021 (Sinte)

⁵ Te mukell o Dewel peskro rakepen te shunell, krell lo kowa sawi bari goljah, te atchell menge o rakepen krik. Job krell baro koowa, hoi nai haiwah mer gar.

O Debleskro Lab 2024 (Sinte-Manouche)

⁵ Te moukell o Devel peskro rakepen te shounell, krell lo kova savi bari golyah, te ačell menge o rakepen krik. Yob krell baro koova, hoy nay hayvah mer gar.

Hiob 37:5 ပူးပေါင်းရင်းမြစ်များ

Hiob 11:7

Patseh, te djineh halauter, hoi an o Debleskro dji hi? Nai haiweh tu, har baro o sorelo Dewel hi?

Hiob 26:14

Dik, kawa hi tchi har i tikno kotar kolestar, hoi job kras. Un hoi lestar shunam, hi gar budeder har i tikno lab. Kek nai haiwell, har baro leskri soor tchatchepah hi!

Hiob 36:26

Dik, o Dewel hi jaake baro, te nai haiwah gar, har baro job hi. Un kek nai hatsell win, har phuro job hi.

Hiob 37:14

Hiob, shun kawa mishto! Atch, un de jak ap kowa, hoi o Dewel an peskri soor krell!

Hiob 37:16

Haiweh tu, har i wolke tel o bolepen djan, un gar tele perenn? Sawo koowa nai krell kokres kowa, kai halauter djinell.

Hiob 37:2

Shunenn, har bares job gole dell, har chojedo koja gole dran leskro mui well!

Hiob 37:4

Pal kowa well koi bari soreli gole shunlo, hoi hi har o baro Debleskro rakepen. Un job rikrell peskri jag gar pale, te mukell lo peskro rakepen te shunell.

Hiob 40:9

Hi tut sawi bari soor har man? Nai rakreh tu sawi sorjah har me?

Hiob 5:9

Job hi kowa, kai krell bud baro un sorelo koowa, hoi kek haiwell un kek wawar nai krell.

Hiob 9:10

Job krell sawo baro un sorelo koowa, te nai haiwah les gar, sawo bud baro koowa, hoi kek wawar nai krell, te nai djinah gar, har bud kowa hi.

Debleskri gili 18:14

Un o baro Dewel mukas o bolepen bari gole te dell, awa, o Dewel pral halauter mukas pes te shunell bari goljah.

Debleskri gili 29:3

O baro Debleskro rakepen well shunlo pral i panja. Te dell o sorelo Dewel gole, hi kowa har koi bari gole, hoi dell o bolepen, te dell baro brishin. O baro Dewel hi o rai pral i tsele bare panja.

Sikepaskro 3:11

Hako koowa, hoi o Dewel krell, krell lo ap o tchatcho tsiro. Un job tchiwas o mensheske an o dji, te haiwell lo, kai hi tchomone koi, hoi atchell hako tsiro. Ninna te hi kowa jaake, nai haiwell o mensho gar ko tselo koowa, hoi o Dewel krell, kokres tikne kotja kolestar.

Jesaja 40:28

Haiwan tumer gar? Shunan tumer gar? O baro Dewel hi i Dewel kai atchell hako tsireske. Job kras i tseli phub. Khino well lo gar, un lestar djal i soor gar krik. Leskro goswepen hi jaake baro, te nai hatsell les kek win.

Remarja 11:33

Har baro hi o Debleskro latchepen ap lauterende! Har baro hi leskro goswepen! Job djinell halauter, hoi kek wawar nai djinella. Kek nai djinell, har job rakrell o tchatchepen win. Kek nai haiwell leskre tsele dromma.

Debleskro tsiro 15:3

Un jon giwan koi gili, hoi o Debleskro budepaskro, o Mose, giwas. Jon giwan lat o terno bakreske, un penan: Baro un shukar hi halauter, hoi tu kral, maro rai, tu sorelo Dewel! Mishto un tchatcho hi tire dromma, baro rai pral i tsele themma!