Hiob 37:22 - O Debleskro Drom 2021 (Sinte)

²² Fun kotar, kai norden hi, well tchomone har sonakai. O Dewel well an peskro railepen. Ko railepen trul leste krell men daar.

O Debleskro Lab 2024 (Sinte-Manouche)

²² Foun kotar, kay norden hi, vell čomone har sonakay. O Devel vell an peskro raylepen. Ko raylepen troul leste krell men daar.

Hiob 37:22 ပူးပေါင်းရင်းမြစ်များ

Debleskri gili 104:1

Miro tselo djijestar sharau o baro Debles. Miro baro Dewel, har baro hal tu! An shukapen un railepen hal tu rido.

Judas 1:25

Sharas koles, kai kokres o Dewel hi! Job las men dran o tchilatchepen win, har maro rai, o Jesus Kristo, menge meras. Maro Dewel hi o baro rai. Les hi i tseli soor kanna un glan kau tsiro un an ko tsiro, hoi wella. Amen.

Hebrearja 12:29

Ma bistrenn, maro Dewel hi jaake har i soreli jag!

Hebrearja 1:3

O Debleskro tchawo hi railo un baro har o Dewel. Un kowa, hoi hi o Debles an o dji, hi ninna o tchawes an o dji. Dran leskro sorelo lab rikrell lo lauter khetne, hoi job kras. O Debleskro tchawo las mari doosh un maro tchilatchepen mendar, un job beshas pes ap i tchatchi rig o baro Deblestar an o bolepen.

Nahum 1:3

O baro Dewel well gar sik chojedo. Les hi bari soor, un tchatchepah, hakeneste, kai doosh ap peste anas, dell job peskri phagi. Kote, kai o baro Dewel djal, phurdell i sorelo ducho. Un i wolke hi har koi tchik, hoi leskre pire pre witsrenn.

Gosewe laba 25:23

I phurdepen un kale wolke anenn brishin, un i tchip, hoi pal o wast rakrell, anell choli.

Hiob 40:10

Sike, har baro un an-diklo hal! Muk tut an tiro shukapen un railepen te dikell!

1. Familjakro liil 29:11

Baro Dewel, tu hal o baro rai, hal sorelo, railo, sorleder har hako wawar, un o pralstuno pral hako wawareste. Halauter, hoi an o bolepen un ap i phub hi, hi tiro. Tu hal o rai pral i tsele themma, un tut hi penepaske pral halauter.

Micha 5:4

Un job anell lenge i latcho tsiro. Te wenn i lurde dran o them Assur an maro them, un phagenn an mare khera dren, tchiwah mer sorele pralstunen un rajen pre, te rikrenn le len pale.

Jesaja 2:19

Ap ko diwes, kai o baro Dewel pre stell, te anell lo i traash pral i phub, khatrenn pen i menshe an i grotte, mank i bare barra un an i phub, i darjatar o baro Debleskri choljatar un glan leskro railo barepen.

Jesaja 2:10

Dja mank i bare barra, un khate tut an i tchik, i darjatar o baro Deblestar un glan leskro railo barepen.

Debleskri gili 145:5

Jon rakrenn pral tiro railepen un barepen. Un me mukau mange an o shero te well, hoi tu kral un hoi kek wawar nai krella.

Debleskri gili 93:1

O baro Dewel hi o baro rai. Railepen un soor hi trul leste har i ripen. Job kras i phub jaake te hi li soreles tardo.

Debleskri gili 76:12

Denn tumen sowel, te denn tchomone o baro Debleste, kai tumaro Dewel hi. Un rikrenn tumari sowel! Anenn leske kutch koowa, tumer dran i tsele themma, kai trul leste hi. Job hi kowa, kolestar hakeno darella.

Debleskri gili 66:5

Awenn un dikenn, hoi o Dewel kras. I menshenge atchell o rakepen krik, te dikenn le, hoi kras lo ap lende.

Debleskri gili 29:4

Leskro rakepen hi pherdi soor, un sikrell hawo baro rai job hi.

Hiob 37:21

Kanna nai dikell kek an o kham, jaake sorelo hi o kham, te phurdas o ducho i wolke krik.

Hiob 37:23

Pash leste, ko soreleste, nai wah mer gar. Leskri soor hi baro. Hako tsiro krell lo, hoi mishto hi, un dell hakeneske peskro tchatchepen.

Debleskri gili 68:35

Hadenn o Debles! Job hi o bareder. Leskro railepen hi pral o Israel, un leskri soor djal bis ap i wolke.

Debleskri gili 89:8

Kote, kai i bolepangre khetne wenn, o Deblestar jon darenn. Kolla lauter, kai hi trul leste, hi dareno tardo glan o baro Debleste.