Hiob 34:9 - O Debleskro Drom 2021 (Sinte)

⁹ Job penas kokres: Tchi hi jekes kolestar, te kamell lo o Debleskro maal te well!

O Debleskro Lab 2024 (Sinte-Manouche)

⁹ Yob penas kokres: Či hi yekes kolestar, te kamell lo o Debleskro maal te vell!

Hiob 34:9 ပူးပေါင်းရင်းမြစ်များ

Hiob 21:30

Ap ko diwes, kai well i bibacht, kai well o Debleskri choli pral i menshende, atchell o tchilatcho djido.

Hiob 22:17

Un jon penan ap o Debleste: “Dja tuke mendar!” Un: “Hoi nai krell menge o sorelo Dewel?”

Hiob 22:3

Te hal tu i latcho un tchatcho mursh, un kek doosh hi ap tute, hi o sorelo Debles tchomone kolestar?

Hiob 27:10

Job hi gar sawo mensho, kai hatsell peskri bacht pash o sorelo Debleste, un dell hako tsiro gole ap leste.

Hiob 35:3

Un tu putcheh: “Hoi hi man kolestar, te lau kek doosh ap mande? Hawo latchepen lom koleske?”

Debleskri gili 37:4

Rode tiri bacht pash o baro Debleste, palle dell job tut lauter, hoi tiro dji kamella.

Debleskri gili 50:18

Hako kopo, kai dikeh tu i tchorepaskres, kreh tu tut leskro maal, un hal beshdo khetne kolentsa, kai djan i wawar romjentsa.

Debleskri gili 73:13

His kowa tchitcheske, kai rikrom miro dji djudjo, un anom kek doosh ap mande?

Jesaja 58:3

Bud kope cham tchi, penenn le, te dikess latches ap mende. Hoske dikeh tu kowa gar? Mer rikram men pale o chapastar, un tu haiweh kowa gar! Dikenn, penell o baro Dewel, ap ko diwes, kai tumer mange tchi chan, krenn tumer, hoi tumenge mishto hi, un rikrenn tumare budepangre tele.

Maleachi 3:14

Tumer penenn: ‘Dineles hi, te das maro djipen an o Debleskro wast. Hoi anell menge kanna, te rikrah leskre laba, un mangah men tele glan o baro Debleste, ko rajeste pral o bolepen un i phub?