Hiob 33:9 - O Debleskro Drom 2021 (Sinte)

⁹ “Me djiwom i djudjo djipen, un krom kek tchilatcho koowa. Kek doosh hi ap mande. O tchatcho dromestar djom gar tele.

O Debleskro Lab 2024 (Sinte-Manouche)

⁹ “Me djivom i djoudjo djipen, oun krom kek čilačo koova. Kek doosh hi ap mande. O čačo dromestar djom gar tele.

Hiob 33:9 ပူးပေါင်းရင်းမြစ်များ

Hiob 10:14

Tu kamal jak ap mande te dell, te dikess, te loms me doosh ap mande. Palle kamal miri doosh ap mande te mukell.

Hiob 10:7

Tu djineh, te hi ap mande kek doosh, un te hi kek koi, koon nai lell miro djipen dran tiro wast win.

Hiob 11:4

Tu penal: “Kowa hoi me rakrom, hi halauter tchatcho. Me hom djudjo glan o Debleskre jaka.”

Hiob 13:18

Me anom kawa pre, te well win kerdo, hoi o tchatchepen hi. Me djinau, te hi man tchatcho.

Hiob 13:23

Har bud doosh lom me ap mande? Hawo tchilatchepen krom me? Muk man te djinell, kai me tiro dromestar tele djom, un krom, hoi tu gar kameh!

Hiob 14:17

Ko tchilatchepen, hoi krom, pandals khetne har an i possita. Koi doosh, hoi ap mande lom, tchakrals tu, te well li buder gar diklo.

Hiob 16:17

Jaake hi kowa, ninna te krom kek tchilatchepen, un mangom miro Debles i djudjo djijeha an.

Hiob 17:8

Te dikenn man kolla, kai an o tchatchepen tardo hi, atchell lenge o rakepen krik i trashatar. Un kolla, an kolende kek doosh hatslo well, penenn chojedes: “Kowa djiwell gar o Debleha.

Hiob 17:9

Jek, kai an o tchatchepen tardo hi, mukell gar tele peskro dromestar. Un koon i djudjo djipen djiwell, well sorleder un sorleder.”

Hiob 23:10

Job djinell hawo drom me djau. Dikals lo palla, har djiwau, hatsals lo win, te hom djudjo har sonakai.

Hiob 29:14

Hako tsiro krom, hoi tchatcho hi. Un miro tchatchepen his ap mande, har te wals lo miro ripen un miri stadi.

Hiob 32:1

Un kol triin mursha penan buder tchi pale ap o Hiob doleske, kai his job an peskre jaka an o tchatchepen tardo.

Hiob 33:8

Tu rakral glan mire kanda. Un me shunom kol laba dran tiro mui, har tu penal:

Hiob 34:5

O Hiob penas: “Me hom an o tchatchepen tardo. Un miro tchatchepen las o Dewel mandar krik.

Hiob 34:6

Hunte rakrap chochepen un penap: Me lom doosh ap mande? Mange was i baro dukepen dino, ninna te hi kek doosh ap mande.”

Hiob 35:2

Patseh, te hi kowa tchatcho, hoi penal? Tu penal: “Me hom an o tchatchepen glan o Debleste.”

Hiob 7:21

Hoske leh tu ko tchilatchepen gar krik mandar, hoi krom, un bistreh miri doosh? An i tikno tsiro wau tel i phub. Te rodeh pal mande, hom me gar buder koi.

Hiob 9:17

Job bitchrell i sorelo phurdepen, te taprell lo pal mande, un dell man bud dukepen, ninna te krom tchi.

Hiob 9:21

Kek tchilatchepen krom me. Miro djipen hi mange buder tchi moldo. Kamau buder gar te djiwell. Lauter hi mange jek. Doleske penau me: O Dewel dell koles mulo, kai latcho un tchatcho hi, un ninna koles, kai tchilatcho hi.

Hiob 9:23

Te well i bari bibacht, un marell menshen ap jek kopo, palle sal lo pral kowa, ninna te hi kek doosh ap lende.

Hiob 9:28

palle taprau pale daar i tsele dukendar. Un djinau, glan o Debleskre jaka hi man doosh.

Jeremia 2:35

peneh tu: ‘Me krom tchi. O baro Dewel hi buder gar chojedo ap mande.’ Djiness, me dau tut i phagi koleske, kai tu penal: ‘Me krom kek tchilatchepen.’