Hiob 33:4 - O Debleskro Drom 2021 (Sinte)

⁴ O ducho o Deblestar kras man. Awa, o ducho o sorelo Deblestar das man o djipen.

O Debleskro Lab 2024 (Sinte-Manouche)

⁴ O dourho o Deblestar kras man. Ava, o dourho o zorelo Deblestar das man o djipen.

Hiob 33:4 ပူးပေါင်းရင်းမြစ်များ

1. Mose 2:7

Un o baro Dewel, maro rai, kras o romes dran tchik i phubjatar. Un phurdas peskro ducho, hoi della o djipen, an o romeste. Un o rom was djido.

Hiob 10:12

Tu dal man djipen un kral latchepen ap mande, un dal mishto jak ap miro djipen.

Hiob 10:3

Hoi aneh kawa tuke, te rikreh man sorjah tele? Hoske witsreh man tutar krik, man, koles tire wasta kran, un mukeh kowa mishto te djal, hoi lan pen i tchilatche glan?

Hiob 12:10

An leskro wast hi o djipen halauterestar, hoi djiwella, ninna o djipaskro ducho i tsele menshendar!

Hiob 27:3

Jaake rah har an mande gomme djipen hi, un o ducho o Deblestar an miro nak hi,

Hiob 32:8

Hi tchatcho, kowa, hoi krell i menshes gosewo, hi o ducho o sorelo Deblestar, koles job an i mensheste dren tchiwas.

Debleskri gili 104:30

Tu te bitchreh tiro djipaskro ducho, wenn le kerdo, un tu deh newo djipen ap i phub.

Debleskri gili 33:6

Dran o lab o baro Deblestar was o bolepen kerdo. Dran o ducho, hoi dran leskro mui djas, wan i tsele bolepangre momlia kerdo.

Jesaja 42:5

O baro Dewel hi maro rai, kowa, kai o bolepen kras, un har i plachta buchles kras. Ninna i phub kras lo, un lauter hoi li win anell. Un i menshen ap late dell lo o ducho, un djipen kolende, kai ap late djiwenn. Job penell:

Remarja 8:2

Un o Debleskro Ducho, koles o Jesus Kristo men das, hi kanna o rai pral mende. Un kowa dell men o djipen un lell men win dran o tchilatchepen un o merepen.

1. Korintarja 15:45

An o Debleskro lab hi tchinlo: O ersto mensho, o Adam, las o djipen. Un o Jesus Kristo, koles nai kharams mer ‘o duito mensho’ – job hi i djido ducho, kai dell o djipen.