Hiob 32:2 - O Debleskro Drom 2021 (Sinte)

² Kote was i choli an o Elihu, koleskro dad o Barachel his i menshendar, kai kharenn Busarja, dran i familja Ram. O Elihu was chojedo doleske, te patsas o Hiob, te wals job budeder an o tchatchepen har o Dewel.

O Debleskro Lab 2024 (Sinte-Manouche)

² Kote vas i rholi an o Elihou, koleskro dad o Barakel his i menshendar, kay kharenn Bouzarya, dran i familya Ram. O Elihou vas rhoyedo doleske, te patsas o Hiob, te vals yob boudeder an o čačepen har o Devel.

Hiob 32:2 ပူးပေါင်းရင်းမြစ်များ

1. Mose 22:21

O phureder kharell Uz, o duito hi o Bus, un o triinto hi o Kemuel, kolestar i Aramarja wenna.

Hiob 10:3

Hoi aneh kawa tuke, te rikreh man sorjah tele? Hoske witsreh man tutar krik, man, koles tire wasta kran, un mukeh kowa mishto te djal, hoi lan pen i tchilatche glan?

Hiob 15:5

Pal bud laba khatreh tiri doosh, un rakreh har i chocheno rakrell.

Hiob 22:5

Na-a! Tiro tchilatchepen hunte wals baro – doleske krell lo kowa! Kreh tu gar pale te pale tchilatcho koowa?

Hiob 27:2

O Dewel kras, te lap gar miro tchatchepen. O sorelo Dewel kras miro djipen shutlo. Me dau man sowel pash o djido Debleste:

Hiob 27:5

An kek tsiro kamau, te dap tumen tchatches. Bis te merau, penau me: ‘Kek doosh anom ap mande.’

Hiob 27:6

Me hom an o tchatchepen. Ap kowa rikrau man soreles, un atchau koi pashel. Kek diwes penell miro dji mange: ‘Kowa hoi kral, his gar mishto.’

Hiob 30:21

Tu wal mange har i tchilatcho, un tiri tseli sorjah leh man palla.

Hiob 32:3

Ninna was lo chojedo pral o Hiobeskre triin mala: Ninna te hatsan jon tchi, hoi nai penenn le o Hiobeske pale, patsan le, te his doosh ap leste.

Hiob 33:8

Tu rakral glan mire kanda. Un me shunom kol laba dran tiro mui, har tu penal:

Hiob 35:2

Patseh, te hi kowa tchatcho, hoi penal? Tu penal: “Me hom an o tchatchepen glan o Debleste.”

Hiob 40:8

Kameh tu tchatchepah te penell, me djau gar pal o tchatchepen? Peneh, te anom me doosh ap mande, te nai wess tu koi tardo, har te wals tut tchatches?

Debleskri gili 69:9

Wom har i gadjo mire phralenge. I tchawe miri datar prindjrenn man buder gar.

Markus 3:5

Kowa dukas les, kai lengro dji har i bar his. Un job dikas chojemen ap lende un penas ap ko mursheste: “Sike tiro wast!” Un job sikras peskro wast. Un ko wast was sasto.

Louka 10:29

Un ko mursheske his kowa, hoi o Jesus leske penas, gar doha, un job putchas pale: “Koon hi kol wawar, te wap latches ap lende?”

Efesarja 4:26

Te wenn tumer an i choli, palle denn garda, te krenn kek tchilatcho koowa! Mukenn o kham gar tele te djal pral tumari choli!