Hiob 32:19 - O Debleskro Drom 2021 (Sinte)

¹⁹ Te nai rakrau gar, djal mange har i moljakro gono, kai newi mool dren hi, hoi nai well gar win, un o gono pre phagell.

O Debleskro Lab 2024 (Sinte-Manouche)

¹⁹ Te nay rakrau gar, djal mange har i molyakro gono, kay nevi mool dren hi, hoy nay vell gar vin, oun o gono pre phagell.

Hiob 32:19 ပူးပေါင်းရင်းမြစ်များ

Hiob 32:18

Man hi bud laba te penell. Me nai rikrau gar mire laba pale, hoi an mande hi un win kamenn.

Hiob 32:20

Me hunte rakrap, te nai lap pale ducho. Awa, kamau win te rakrell, hoi kamau tumenge te penell.

Jeremia 20:9

Awa, te penau mange, me kamau o Debles te bistrell, un rakrau buder gar an leskro lab, palle chatchell leskro lab an mande har i jag. Me lau miri tseli soor khetne, te rikrap kowa win. Un kowa djal gar.

Jeremia 6:11

Tiri choli pral lende chatchell ninna an mande. Me nai rikrau lat gar pale. Koi penas o baro Dewel ap mande: Palle tchore miri choli pral lende win: pral kol tchawende ap o drom, un pral kol terne murshende. Jon lauter, mursha un djuwja, ninna kol phure un an-dikle, wenn pandles krik anlo.

Amos 3:8

O lewo dell gole – kones hi kek daar? O baro Dewel, maro rai, rakrell, koon nai rikrell man pale, te penap leskre laba dureder?

Mateo 9:17

Un kek tchorell i newi mool an i phure moljakre gone. I newi mool krell i phure moljakre gone paash. Un i mool nashell win. I newi mool well tchoredo an i newe moljakre gone. Palle djal i newi mool un i newe moljakre gone gar paash.”