Hiob 32:13 - O Debleskro Drom 2021 (Sinte)

¹³ Ma penenn: “Mer hatsam win, hoi goswepen hi. Kowa hi o Dewel, kai hunte sikrell leste leskri doosh, un kek mensho!”

O Debleskro Lab 2024 (Sinte-Manouche)

¹³ Ma penenn: “Mer hatsam vin, hoy gosvepen hi. Kova hi o Devel, kay hounte sikrell leste leskri doosh, oun kek mensho!”

Hiob 32:13 ပူးပေါင်းရင်းမြစ်များ

1. Mose 14:23

Kek kotar thab, witar kek dori, hoi i kircha khetne pandella, lau tutar. Te peness tu gar, tu kral man brawelo.

Hiob 1:21

Un job penas: “Har boldo wom, his kek koola ap mande. Un ap ko diwes, kai merau, lau kek koola mantsa. O baro Dewel das man lauter, hoi man hi. Un o baro Dewel las les pale mandar. Job well sharedo!”

Hiob 12:2

Tchatchepah, tumer han kolla, ap kolende hakeno hunte shunals! Tumentsa merell o goswepen win!

Hiob 19:21

Mire mala, krenn tumare djia mange pre! Awenn mange latches! O Debleskro wast das man!

Hiob 19:6

Dikenn tumer gar dren, te hi kowa o Dewel, kai djas gar mishto mantsa trujel? Hi jaake, har te taprals lo man an i netsa.

Hiob 2:10

O Hiob penas ap late: “Tu rakreh jaake har i dineli tchai rakrell. O latchepen lam o Deblestar. Las mer gar ninna o tchilatcho koowa lestar?” Ninna te was kowa lauter jaake, anas o Hiob kek doosh ap peste un witsras o Debleske kek tchilatchepen glan.

Hiob 31:40

palle te well buder kek gib un djob win dran miri phub! Na-a, palle te anell i phub subjengre burra un djungelo senlepen win! Kate herell o Hiobeskro rakepen pre.

Hiob 32:12

Un me shunom mishto, hoi penan. Un kek his mank tumende, kai nai sikrals o Hiobeste, te his les gar tchatcho. Kek penals leske ap leskro rakepen tchomone pale.

Hiob 32:14

Ap mande rakras o Hiob gar. Un me rakrau witar gar kol labentsa, hoi tumer rakran ap leste pale.

Hiob 4:9

O Dewel phurdell ap lende, un jon merenn. Leskri choljakro ducho marell len.

Hiob 6:4

Mange djal jaake, har te dals o sorelo Dewel karje ap mande, un leskre faile wans an mande, hoi anenn mange o merepen. Kowa, hoi mukell o Dewel ap mande te well, krell man i bari daar.

Jesaja 48:5

Doleske penom me kowa tumenge glan i rah tsiro. Un glan kowa was, mukom me les tumen te shunell, te nai penenn gar: “Miri debleskri figura kras kowa, un koi figura dran kasht un saster, hoi an-mangom, kaja penas, te well kowa jaake.”

Jesaja 48:7

Kau koowa was kanna kerdo un gar an o phuro tsiro. Un tumer shunan tchi kolestar, te nai penenn gar: “Kau koowa, mer djinam les.”

Jesaja 5:21

Djungeles djal kolenge, kai an pengre jaka kokres gosewo hi, un pash pende kokres krenn, har te haiwenn le halauter.

Jeremia 9:23

Koon kamell pes te sharell, kowa te sharell pes, kai job prindjrell man, un te haiwell job, kai me o baro Dewel hom. Me krau miro dji pre i menshenge, un krau, hoi tchatcho un mishto hi ap i phub. Sawo koowa hi mishto glan mire jaka. Kowa penau me, o baro Dewel.

Ezekiel 28:3

Hi tchatcho, tu hal gosweder har o Daniel, un haiweh halauter.

Zakarie 12:7

O baro Dewel krell, te wenn glanstunes i lurde dran o them Juda i sorleder pral kolende, kai kurenn pen lentsa. Kowa krell lo jaake, te sharenn pen gar o Davideskre menshe un i wawar menshe an o foro Jerusalem, un dikenn tele ap i menshende an o them Juda.

Johanni 19:11

Penas o Jesus: “Tut wals kek soor pral mande, te dals tut o Dewel koja gar. Doleske hi koles, kai das man an tire wasta, bareder doosh har tut.”

1. Korintarja 3:18

Ma chochenn tumen kokres! Koon patsella, te hi lo gosewo ap kai phub, kowa hunte dikell dren, te molella leskro goswepen tchi.

Čačepangre 7:2

Un o baro Dewel penas ap o Gideon: “Tut hi bud lurde, hoi pash tute hi. Jaake nai dau i Midianarja gar an tumare wasta. O Israel nai sharals pes un nai penals: ‘Mare wasta his, hoi men win lan!’