Hiob 31:8 - O Debleskro Drom 2021 (Sinte)

⁸ palle kamau djob an i phub te witsrell, un i wawar nai chal kowa, hoi kolestar bares was. Un kowa, hoi mange dran i phub win was, tserdenn palle i wawar dran i phub win.

O Debleskro Lab 2024 (Sinte-Manouche)

⁸ palle kamau djob an i phoub te vitsrell, oun i vavar nay rhal kova, hoy kolestar bares vas. Oun kova, hoy mange dran i phoub vin vas, tserdenn palle i vavar dran i phoub vin.

Hiob 31:8 ပူးပေါင်းရင်းမြစ်များ

Hiob 15:30

Job nai well gar win dran o tamlepen, un hi har ko ruk, koleskre senele kashta chatchedo wenn an i jag. Un o Dewel phurdell ap leste, un krik hi lo.

Hiob 18:19

Leske atchell kek tchawo, witar kek tchawengro tchawo mank peskre menshende. Kote, kai djiwas lo, atchell kek lendar djido.

Hiob 20:18

Kowa, hoi lo peske khetne anas, hunte dell lo pale, un nai rikrell les gar. Un kowa, hoi lo dren paras, krell les gar bachtelo.

Hiob 24:6

Ap i hachetikri phub wawarendar rodenn le djob, hoi pral atchas. Un i drakengre rukendar, hoi i brawelen hi, lenn le penge kol drake, hoi bistedo wan.

Hiob 31:12

Sawi doosh wals har i jag, hoi man tseles chatchrell, un ninna halauter, hoi man hi, pre chals.

Debleskri gili 109:13

Kre, te merenn kolla win, kai pal leste wenna. Leskre tchawengre tchawen wenn kek tchawe buder, jaake te well lengro lab bistedo.

3. Mose 26:16

palle krau tumentsa jaake: Bari bibacht anau pral tumende, pharo nasslepen, hoi tumenge o djipen randell. Tumer chatchenn glan fibro, tumare jaka nai dikenn buder gar mishto, un kek soor atchell an tumende. Tchitcheske witsrenn djob win an i phub. Kolla, kai kurenn pen tumentsa, chan les pre.

Micha 6:15

Tumer tchiwenn djob an i phub, un nai anenn kek newo djob dren. Tumer krenn djet dran i djeteskre drake, un nai makenn tumen gar leha dren. Tumer krenn mool, un nai pijenn lat gar.

Johanni 4:37

Ko lab hi tchatcho: Jek witsrell o tikno djob an i phub. Un i wawar anell ko djob dren.

5. Mose 28:38

Tumer witsrenn bud djob ap tumari phub win, un anenn kokres i wast pherdo dren. I stepangre chan halauter pre.

5. Mose 28:51

Un jon chan tumare viechen. Un halauter, hoi ap tumari phub bares was, chan le pre. Tumenge mukenn le tchi pral, kek djob, kek mool, kek djet un witar kek terne tumare grumjendar, bakrendar un busjendar. Jaake hunte merenn tumer i bokatar, bis te kek tumendar buder koi hi.

Josua 22:22

“O baro Dewel hi bareder har i tsele wawar debla! O baro Dewel hi bareder har i tsele wawar debla. Job djinell un tumer hunte djinenn kowa ninna: Mer mukam les gar un hadam men gar pral leste. Te hi kawa gar o tchatchepen, nai denn men mulo.