Hiob 3:17 - O Debleskro Drom 2021 (Sinte)

¹⁷ Kote mukenn i tchilatche tele pengri diwji goljatar. Kote nai sowenn kolla, kai hunte maran pen tele.

O Debleskro Lab 2024 (Sinte-Manouche)

¹⁷ Kote moukenn i čilače tele pengri divyi golyatar. Kote nay sovenn kolla, kay hounte maran pen tele.

Hiob 3:17 ပူးပေါင်းရင်းမြစ်များ

Hiob 14:13

Har kamoms, te khatress tu man an o mulengro them, te pandess man kote dren, bis te tiri choli trujel hi. Kamoms te mukals man jek tsiro koi, un palle woms tuke pale an o shero!

Hiob 17:16

Ko latchepen, ap hoi dikom, djal mantsa an o mulengro them tele, un well mantsa khetne an i tchik tchiddo.

Hiob 3:16

Palle tchiwans le man tel i phub har sau ternepen, hoi glan o tsiro mules boldo was. Palle woms paskedo har sawo tchawo, hoi o kham kek tsireske dikas.

Hiob 3:18

Ninna i pandle wenn buder gar tradedo, un shunenn kekes buder, kai dell len an-gole tchilatche labentsa.

Sikepaskro 4:2

Kote penom mange, bachteles hi kolla, kai meran un paskedo hi, kolenge hi feteder har kolenge, kai kanna djiwenna.

Sikepaskro 9:6

Har i menshe kaman len, un har choiran le pen pral lende, un har silweran jon ap lende, kowa lauter hi buder gar koi. Len hi tchi buder i menshentsa ap kai phub khetne, un koleha, hoi kerdo well ap kai phub.

Mateo 10:28

Ma trashenn kol menshendar, kai nai marenn tumen! Jon nai marenn gar o djipen an tumende, hoi ninna pal o merepen djiwella. Trashenn o Deblestar, kai nai tchiwell tumen pal o merepen an o bengeskri jag, kai han hako tsiro nashedo!

Louka 12:4

Tumer han mire mala, un me penau tumenge: Ma trashenn i menshendar. Jon nai marenn tumen. Budeder har kowa nai krenn le gar.

Hebrearja 4:11

Doleske tchiwas mer maro tselo dji koi pre, te was an leskro them dren, kai ham hako tsiro pash leste khere. Das jak, te perell kek mendar o Debleskro dromestar tele, har kol menshe an o phuro tsiro, kai shunan gar ap o Debleste!

Hebrearja 4:9

Jaake dikah: Hi gomme i tsiro, kai nai wenn i menshe pash o Debleste, kai jon hako tsiro khere nai wenna.

2. Petro 2:8

Hako diwes dikas un shunas lo, hoi jon tchilatches kran. Un lengro tchilatcho koowa dukras les an leskro dji.

Debleskro tsiro 14:13

Un me shunom, har i rakepen dran o bolepen penas: “Tchin kowa an i liil dren: Kanna un an ko tsiro, hoi wella, hi kolla bachtele, kai merenna un rikran soreles pengro patsepen ap o rajeste, o Jesuseste.” “Awa,” penell o Debleskro Ducho, “lenge djal latches, un jon bistrenn pengri tseli phari budi. Kowa, hoi jon kran o Debleske hi gar bistedo an o bolepen.”

1. Samuel 28:19

Ninna i Israelitarjen dell o baro Dewel tuha khetne an i Filistarengro wast. Taissar hal tu un tire tchawe pash mande. Un i tsele Israelengre lurden dell o baro Dewel an o Filistarengro wast!”