Hiob 29:3 - O Debleskro Drom 2021 (Sinte)

³ har leskri momeli pral miro shero his, un me jaake an i kali rat nai trujel djom,

O Debleskro Lab 2024 (Sinte-Manouche)

³ har leskri momeli pral miro shero his, oun me yaake an i kali rat nay trouyel djom,

Hiob 29:3 ပူးပေါင်းရင်းမြစ်များ

Hiob 11:17

Un pral tiro djipen djal o kham pre, un hi sorelo har mashkral diwes. Ninna te hi kanna tamlo, well i newo diwes.

Hiob 18:6

An leskro kheer well tamlo. Un koi momeli pral leste djal win.

Hiob 21:17

Gar bud kope meras i tchilatcho, glan te was lo phuro. Gar bud kope was i bibacht pral leste. Gar bud kope anas o Dewel i phagi pral leste an peskri choli,

Hiob 22:28

Hoi tu tuke glan lal, kowa djal tuke mishto. Un i momeli djal pre pral tire dromma.

Debleskri gili 112:4

Ninna an i kali rat well i momeli kolenge, kai o tchatcho drom djan, kolenge, kai hi latcho un kamlo un djan pal o tchatchepen.

Debleskri gili 18:28

Tu weh ap i rig i tchorwelenge, un kol pre-phurden kreh tu tiknes.

Debleskri gili 18:29

Miro baro Dewel, tu kreh miri momeli soreles, un kreh miri rat jaake har wals diwes.

Debleskri gili 23:4

Ninna te nashau me mashkral i tamli tala, darau me glan kek bibacht. Tu hal pash mande. Tiro kashteha aneh tu man pale, un rikreh i diwje viechen mandar krik, jaake hunte trashap gar.

Debleskri gili 27:1

I gili o Davidestar. O baro Dewel hi mange i momeli, un job hi kowa, hoi man win lella dran i wasta tchilatche menshendar. Kekestar hunte darap man. O baro Dewel rikrell man an o djipen. Kekestar hunte trashap me.

Debleskri gili 4:6

Denn kowa o Debleste, hoi mishto un tchatcho hi! Un patsenn, te krell o baro Dewel lauter mishto!

Debleskri gili 84:11

Jek diwes ap i platsa glan tiro kheer hi feteder har i serja wawar diwessa. Me kamau budeder te wap tardo pash o wudar glan tiro kheer, har te djiwap pash i tchilatchende.

Gosewe laba 13:9

Koon an o tchatchepen tardo hi, hi har i momeli, hoi bachteles chatchell, un i tchilatcho har i momeli, hoi djal win.

Gosewe laba 20:20

Kowa, kai pral peskro dades un peskri date bibacht win rakrell, koleske djal har jek, koleskri momeli win djal an i kali rat.

Gosewe laba 24:20

Kolenge, kai tchilatcho hi, well kek latcho tsiro. Lengro djipen hi har i momeli, hoi djal win.

Jesaja 2:4

Un job well o tchatchepaskro rai, kai krell o tchatchepen win mashkral i menshende dran i wawar themma, un penell lenge, te mukenn le pengro tchingepen. Un kolla lenn palle pengre chare un witsepaskre tchurja, un krenn lendar hachetikre koola, kolentsa budrenn le nai an i phub un tchinenn i drakengre kashta tele. Un palle kurenn pen i menshe dran jek them buder gar i menshentsa dran i wawar them. Un kek sikrell i wawaren buder, har te marenn le pen.

Johanni 12:46

Me hom koi bari momeli, hoi was ap kai phub. Hakeno, koon ap mande patsella, atchell gar an i rati.

Johanni 8:12

Pale rakras o Jesus i menshentsa un penas: “Me hom koi momeli i menshenge. Koon mange palla djala, djal gar an o tamlepen. Me hom koi momeli, kai o djipen della.”

Efesarja 5:14

Un kowa, hoi diklo wella, atchell gar an o tamlepen. Doleske giwah mer an i gili: “Tu, kai soweh, ste pre! Ste i mulendar pre! Un o Kristo well tuke har i momeli.”

Efesarja 5:8

Glan ko tsiro, har tumer patslo wan, djan tumer ap o tchilatcho drom. Kowa his har te djans an i rati. Kanna hi kowa wawartchandes. Maro rai Jesus djiwell an tumare djia, un anas tumen ap peskro drom. Job hi i bari momeli tumenge. Djan kanna ap leskro drom, kai hi buder kek tamlepen!