Hiob 28:12 - O Debleskro Drom 2021 (Sinte)

¹² Koon nai penell mange, kai nai well o goswepen hatslo? Kai nai hatsah win, har te djiwas i gosewo djipen?

O Debleskro Lab 2024 (Sinte-Manouche)

¹² Koon nay penell mange, kay nay vell o gosvepen hatslo? Kay nay hatsah vin, har te djivas i gosevo djipen?

Hiob 28:12 ပူးပေါင်းရင်းမြစ်များ

1. Rajengro liil 3:9

Doleske mangau tut, de man i dji, hoi shunella, hoi tu peneh, te nai rakrap o tchatchepen win pral i menshende, un te haiwap, hoi mishto un hoi gar mishto hi. Har nai dap hakeneste tire bud menshendar peskro tchatchepen, tu te deh kowa mande gar?”

Hiob 28:11

Job dikell kol tikne panja, hoi wenn dran i phub, un wenn lengste panja. Un ko kutch koowa an i phub, hoi kek dikas, lell lo win, un anell les kote, kai well lo diklo.

Hiob 28:20

O goswepen, fun kai well lo? Un kai nai hatsah mer win, har te djiwas i gosewo djipen?

Hiob 28:23

O Dewel kokres hi kowa, kai djinell o drom, hoi anell pash o goswepen. Un job kokres djinell, kai o goswepen khere hi.

Hiob 28:28

Job penas ap o mensheste: Sawo mensho hi gosewo, kai rikrell pes o Debles glan i jaka pash kowa, hoi lo krell. Sawo mensho haiwas, har te djiwell lo o gosewo djipen, kai rikrell pes pale o tchilatchepastar.

Debleskri gili 51:6

Ap tute kokres krom, hoi tchilatcho hi. Awa me krom, hoi midjak hi glan tire jaka. Doleske hi tut tchatches an tiro rakepen. Tu kreh o tchatchepen, te deh man i phagi.

Gosewe laba 3:19

O baro Dewel kras i phub o goswepah, un o bolepen jaake, har job djinas, kai kowa mishto his.

Sikepaskro 7:11

O goswepen hi jaake mishto har i brawlepen, hoi o dad peskro tchaweske mukas. Hakeneske ap kai phub hi o goswepen bud moldo.

Kolossarja 2:3

Job kokres nai dell tumen o tselo goswepen, te haiwenn o Debleskro lab mishto.

Jakobo 1:17

Lauter, hoi hi mishto un latcho, wella o Deblestar an o bolepen. Job kras o kham un o tchon un i bolepangre momlia. Kolla krenn, te well diwes un rat, un jon wenn jek tsiro diklo un i wawar tsiro gar diklo. O Dewel hi gar jaake. Job atchell, har job hi.

Jakobo 1:5

Te djinell jek tumendar gar, hoi o Dewel lestar kamella, palle nai mangell lo o Debles, te sikrell job leste kowa. O Dewel hi latcho, un job dell o djijestar, ninna te weh tu bud kope pash leste.