Hiob 28:1 - O Debleskro Drom 2021 (Sinte)

¹ Tel i phub nai hatsenn le rup. Un o sonakai, les hi i platsa, kai thowenn le les win.

O Debleskro Lab 2024 (Sinte-Manouche)

¹ Tel i phoub nay hatsenn le roup. Oun o sonakay, les hi i platsa, kay thovenn le les vin.

Hiob 28:1 ပူးပေါင်းရင်းမြစ်များ

1. Mose 23:15

“Miro rai, shun ap mande! Hoi hi i kotar them mange un tuke, hoi molella star-sheel rupene beme? Kowa hi tchi! Paske tiri romjat kote!”

1. Mose 24:22

Har i khamele tchalo his, las job i sonakaskri gustri: shob gramme pharo, un dui sonakangre mussjengre gustria: 120 (sheel-te-biish) gramme pharo. Un das kowa late. Un job putchas latar:

1. Rajengro liil 10:21

Un i tsele pipaskre tchare o rajestar Salomo his dran sonakai, un ko tselo koowa an o kheer, hoi kharell Libanoneskro weesh, his dran djudjo sonakai, tchi his dran rup kerdo. Rup his an i diwessa, kai o Salomo o baro rai his, tchi moldo.

Hiob 27:23

Ko ducho hi har jek, kai dell i wasta pral leste khetne, un dell shol har te sals lo pral leste, kai lo ninna djal.

Hiob 28:2

Dur dran i phub lenn le saster win, un lolo saster dran i barra, hoi wenn tato kerdo, te well o lolo saster win.

Debleskri gili 12:6

“Kanna”, penell o baro Dewel, “stau me pre. Ap i tchorwelende djan le sorjah. Me shunom lengro ropen. Kanna rikrau mire wasta pral hakeneste, kai peskro tselo djijeha kamell, te wap ap leskri rig.”

Gosewe laba 17:3

Jaake har o rup an i jag tchiddo well, un o sonakai an i bob, jaake lell o baro Dewel i menshengre djia an o jak.

Gosewe laba 27:21

An i jag well diklo, har bud o rup moldo hi, un an o bob sikrell pes, har bud o sonakai moldo hi. Hoi i mursh moldo hi, sikrell pes ap kowa, hoi pral leste rakedo well.

Jesaja 48:10

Dik, jaake har rup an i jag tchiddo well, te wenn i djungele barra win, jaake mukom tumen an phare tsirja te well, te wenn djudjo mange.

Zakarie 13:9

Un kolenge, kai pral atchenn, wenn phare tsirja, kai hunte djan le dren, te wenn le djudjo kerdo, jaake har rup un sonakai djudjo kerdo well an i jag. Palle denn le ap mande gole, un me shunau len. Me penau: ‘Jon hi mire menshe.’ Un jon penenn: ‘Tu baro Dewel, hal maro Dewel.’”

1. Petro 1:7

Kowa wella pral tumende, te well tumaro patsepen sorelo. Jaake har o sonakai an i jag djudjo un kutch kerdo wella, jaake hunte well tumaro patsepen ninna djudjo un kutch kerdo. Tumaro patsepen hi budeder moldo har o sonakai, hoi atchell gar. Te atchell tumaro patsepen sorelo, palle sharell tumen o Dewel un krell tumen bares un railes ap ko diwes, kai well o Jesus Kristo pale.