Hiob 27:8 - O Debleskro Drom 2021 (Sinte)

⁸ Ap hoi nai rikrell pes kowa, kai kamell tchi o Deblestar te djinell, te well ko tsiro, kai lo hunte merell, un o Dewel leskro djipen lestar lell?

O Debleskro Lab 2024 (Sinte-Manouche)

⁸ Ap hoy nay rikrell pes kova, kay kamell či o Deblestar te djinell, te vell ko tsiro, kay lo hounte merell, oun o Devel leskro djipen lestar lell?

Hiob 27:8 ပူးပေါင်းရင်းမြစ်များ

Hiob 11:20

I tchilatche haiwenn gar, hoske lenge djungeles djal, un hatsenn gar win dran lengri bibacht. Lenge atchell tchi har te dikenn le ap ko diwes, kai merenn le.

Hiob 12:10

An leskro wast hi o djipen halauterestar, hoi djiwella, ninna o djipaskro ducho i tsele menshendar!

Hiob 13:16

Te wap me glan leste, sikrell kowa, te hi kek doosh ap mande. Kek dui djijentsa well glan leste.

Hiob 15:34

Jaake djal i familjenge kolendar, kai djiwenn kek Debleha. Jon atchenn kek tchawentsa. Un i jag chatchrell lengre khera pre, hoi kran le kol lowentsa, hoi lenge plaissedo was te chochenn le.

Hiob 20:5

well koi bachteli gole kol tchilatchendar kokres i tikno tsiro shunlo. Un koi bacht kolestar, kai kamell tchi o Deblestar te djinell, djal sik trujel.

Hiob 27:7

Koon kamell mange tchilatchepen, leske te djal har i tchilatchenge! Koon stakrell khatar mande pre, leske te djal har kolenge, kai gar an o tchatchepen hi!

Hiob 31:3

Pral i tchilatcho well bibacht, un koleske, kai krell djungelo koowa, djal tchi mishto.

Hiob 8:13

Jaake djal hakeneske, kai o Debles bistrella. Kowa, kai gar o Debleha djiwell, koleske atchell tchi, hoi dell les pale newi soor.

Mateo 16:26

I mensheske wals kowa gar mishto, te lals lo o tselo brawlepen ap kai phub, un nashrals o djipen. I mensho nai dell tchi o Debleste, te lell lo ko djipen pale.

Mateo 23:13

Tumer tchatchepangre un Farisarja! Kowa, hoi tumer krenna, ko hi gar mishto. Tumaro patsepen ap o Debleste hi chochepen! Tumer krenn o wudar pandlo, te well kek ap o Debleskro drom. Tumer djan gar koi dren. Witar gar mukenn i wawaren dren te djal.

Louka 9:25

I mensheske wals kowa gar mishto, te lals lo o tselo brawlepen ap kai phub, un te wals lo o Debleske nashedo.

Johanni 9:31

Mer halauter djinah, kai o Dewel ap kekeste shunella, kai djal gar ap leskro drom. O Dewel shunell ap koleste, kai darell lestar un djiwell jaake, har job kamella.

5. Mose 1:45

Kote wan tumer pale pale, un rowan glan o baro Debleste; o baro Dewel shunas gar ap tumende, un das gar jak ap tumari gole.

1. Samuel 8:18

Palle te well ko diwes, kai denn tumer gole pral tumaro baro rajeste, koles tumenge win rodan, palle shunell tumen o baro Dewel gar an kol diwessa.”