Hiob 27:6 - O Debleskro Drom 2021 (Sinte)

⁶ Me hom an o tchatchepen. Ap kowa rikrau man soreles, un atchau koi pashel. Kek diwes penell miro dji mange: ‘Kowa hoi kral, his gar mishto.’

O Debleskro Lab 2024 (Sinte-Manouche)

⁶ Me hom an o čačepen. Ap kova rikrau man zoreles, oun ačau koy pashel. Kek dives penell miro dji mange: Kova hoy kral, his gar mishto.

Hiob 27:6 ပူးပေါင်းရင်းမြစ်များ

Hiob 13:18

Me anom kawa pre, te well win kerdo, hoi o tchatchepen hi. Me djinau, te hi man tchatcho.

Hiob 17:9

Jek, kai an o tchatchepen tardo hi, mukell gar tele peskro dromestar. Un koon i djudjo djipen djiwell, well sorleder un sorleder.”

Hiob 2:3

Un o baro Dewel putchas o bengestar: “Dal tu ninna jak ap miro budepaskro, o Hiob? Kek wawar hi ap i phub, kai hi jaake har kowa. Job hi an o tchatchepen tardo, un kek doosh hi ap leste. Job mangell man an, un rikrell pes dur krik o tchilatchepastar. Ninna kanna anell lo kek doosh ap peste, kai tu mandar kamal, te anap les an i bibacht, ninna te kras lo tchi.”

Hiob 27:7

Koon kamell mange tchilatchepen, leske te djal har i tchilatchenge! Koon stakrell khatar mande pre, leske te djal har kolenge, kai gar an o tchatchepen hi!

Hiob 29:14

Hako tsiro krom, hoi tchatcho hi. Un miro tchatchepen his ap mande, har te wals lo miro ripen un miri stadi.

Hiob 31:6

Me mangau o Debles, te dikell lo palla an o tchatchepen: Lom me doosh ap mande oder gar? Palle dikell lo, te hom an o tchatchepen tardo.

Hiob 31:7

Te djan mire herja tele leskro dromestar, un te nashas miro dji mire jakenge palla, un te kran mire wasta tchomone, hoi gar mishto hi,

Hiob 32:1

Un kol triin mursha penan buder tchi pale ap o Hiob doleske, kai his job an peskre jaka an o tchatchepen tardo.

Hiob 32:2

Kote was i choli an o Elihu, koleskro dad o Barachel his i menshendar, kai kharenn Busarja, dran i familja Ram. O Elihu was chojedo doleske, te patsas o Hiob, te wals job budeder an o tchatchepen har o Dewel.

Hiob 40:8

Kameh tu tchatchepah te penell, me djau gar pal o tchatchepen? Peneh, te anom me doosh ap mande, te nai wess tu koi tardo, har te wals tut tchatches?

Hiob 6:29

Mukenn tele, tchilatchepen ap mande pre te anell! Awa, mukenn tele koleha! O tchatchepen hi ap miri rig!

Gosewe laba 4:13

Atch pash kowa, hoi tuke siklo was, muk kowa gar! Rike tut ap kol gosewe laba! Dran lende well tut i latcho djipen.

Bičepangre 24:16

Doleske krau lauter te djiwap jaake, te well man hako tsiro i djudjo dji glan o Debleste un glan i menshende.

2. Korintarja 12:11

Tumer kran, te rakrom har i dinelo. Me hunte sharoms man gar. Na-a, tumer hunte sharans man. Ninna te woms me tchi, woms me jaake bud moldo har kol bare rakepangre pash tumende, kai penenn, te hi le bitchedo o Jesus Kristestar.